बंगळुरू : सुपर लाइक अॅपच्या माध्यमातुन पार्ट टाइम जॉबची सुविधा देण्याच्या नावावर लाखो लोकांना गंडा घालण्याच प्रकरण नुकतंच समोर आलं होत. या प्रकरणी ईडीकडून कसून चौकशी सुरू असताना फोन पे, गुगल पे, ॲमेझॉन पे या कंपन्यांची नाव समोर आल्यानं एकच खळबळ उडाली आहे. या प्रकरणी आता ईडीने कारवाई करत बंगळुरू येथील फोन-पे, गुगल पे, अॅमेझॉन तसेच एचडीएफसी बँक, आयसीआयसीआय बँक, धनलक्ष्मी बँक आदी कंपन्यांच्या कार्यालयांवर एकूण १६ ठिकाणी छापेमारी केली.
[read_also content=”महाविकास आघाडीमध्ये फूट पडू शकते? असं का म्हणाले संजय राऊत? https://www.navarashtra.com/maharashtra/could-there-be-a-split-in-the-mahavikas-aghadi-why-did-sanjay-raut-say-that-nrps-345880.html”]
अनेकांना घरबसल्या पैसे मिळवून देणार असल्याचं सांगत सुपर लाइक नावाचे एक ॲप दोन वर्षांपूर्वी लॅंाच झालं होत. या ॲपच्या माध्यमातून लोकांना पार्ट टाइम जॉब केल्याप्रमाणे अधिकचे पैसे घरबसल्या मिळतील, असा दावा कंपनीने केला होता. मात्र, याकरिता कंपनीने सुरुवाकीला नोंदणीच्या नावावर लोकांना काही पैसे भरण्यास सांगितले होते. तसेच त्या ॲ पवर विविध सेलिब्रिटींचे फोटो कंपनीतर्फे शेअर करण्यात येत होते. या फोटोंवर कमेंट करणे ते शेअर करून प्रमोट केल्यास संबंधित ग्राहकास कंपनी पैसे देत होती. सुरुवातीच्या काही टप्प्यांत ग्राहकांना या ॲ पने पैसे दिले होते. मात्र, कालांतराने या ॲ पने ग्राहकांना पैसे देणे बंद केले तसेच ग्राहकांनी नोंदणी करतेवेळी जे पैसे या ॲ पमध्ये भरले होते ते देखील ग्राहकांना परत मिळाले नाहीत. या प्रकरणी दक्षिण बंगळुरू येथील पोलिस स्टेशनमध्ये गुन्हा दाखल झाला होता. मात्र, हा घोटाळा देशव्यापी असल्याचे निदर्शनास आल्यानंतर ईडीने याचा तपास सुरू केला होता. या प्रकरणी आणखी काही कंपन्याचाही सहभाग असल्याच्या संशयानंतर ईडीने त्या दिशेने तपास सुरू केली होता. या दरम्यान, घोटाळ्यामध्ये केवळ सुपर लाइक कंपनीच नव्हे तर ऑनलाइन पेमेंट सुविधा पुरविणारी ॲ प आणि काही प्रमुख बँकादेखील सहभागी असल्याचा संशय ईडीच्या अधिकाऱ्यांना असून त्या संदर्भात ही छापेमारी झाली आहे.
.png "Videos"){kind=small}
