MCD Election: विधानसभेनंतर केजरीवाल दिल्ली महापालिकेतील सत्ताही गमावणार..? भाजप पुन्हा गेम करणार

दिल्ली MCD महापौर निवडणुकीचे निकाल राजधानीच्या राजकीय समीकरणांना दिशा देऊ शकतात. जर AAP ने महापौर पद पटकावले, तर महानगरपालिकेतील त्यांची पकड अधिक मजबूत होईल.

नवी दिल्ली: विधानसभा निवडणुकीनंतर दिल्ली महानगरपालिकेतील (MCD) 10 जागा रिक्त झाल्या आहेत, कारण येथील काही नगरसेवक आमदार म्हणून निवडून आले आहेत. त्यामुळे लवकरच या रिक्त जागांसाठी पोटनिवडणुका होतील. या पोटनिवडणुकीमुळे दिल्ली महापालिकेतील  राजकीय समीकरण बदलण्याची शक्यता वर्तवण्यात येत आहे.  दिल्लीमध्ये एकूण 250 प्रभाग (वार्ड) आहेत. यातील द्वारका बी हा वार्ड कमलजीत सहरावत यांच्या पश्चिम दिल्लीमधून खासदारपदासाठी निवड झाल्याने रिक्त झाला होता. याशिवाय, विधानसभा निवडणुकीत एकूण 17 नगरसेवक निवडणुकीच्या रिंगणात उतरले होते.

सध्याच्या घडीला, आम आदमी पक्षाकडे (AAP) MCD मध्ये 119 नगरसेवक आहेत, तर भारतीय जनता पक्षाकडे (BJP) 113 नगरसेवक आहेत. काँग्रेसकडे केवळ 7 नगरसेवक आहेत. विधानसभा निवडणुकीनंतर BJP आणि AAP चे 11 नगरसेवक आमदार बनले, त्यामुळे MCD मधील एकूण नगरसेवकांची संख्या कमी होऊन 239 वर आली आहे.

Santosh Deshmukh Case : कृष्णा आंधळेचा पत्ता सापडला? नेमकं कुठे बसलाय लपून?

काँग्रेसची भूमिका काय ?

काँग्रेस यंदा महापौर निवडणुकीत महत्त्वाची भूमिका बजावू शकते. मागील निवडणुकीत काँग्रेसने मतदानावर बहिष्कार टाकल्यामुळे थेट सामना AAP आणि BJP यांच्यातच झाला होता. जर काँग्रेस यंदाही मतदानाला अनुपस्थित राहिली, तर AAP ला फायदा होऊ शकतो. परंतु, काँग्रेसने BJP ला पाठिंबा दिल्यास निवडणुकीचे गणित बदलू शकते.

BJPची रणनीती

BJPने विधानसभा निवडणुकीत चांगली कामगिरी केली असून आता महानगरपालिका ताब्यात घेण्याचा प्रयत्न करीत आहे. मात्र, त्यांच्यासाठी ही लढाई सोपी नाही, कारण AAP कडे संख्याबळ आहे. त्यामुळे BJP उपनिवडणुकीत जास्त जागा जिंकण्याचा आणि अपक्ष नगरसेवकांना आपल्याकडे खेचण्याचा प्रयत्न करू शकते.

विदुला चौघुले म्हणतेय, ‘कोई आनेवाला है…’; अभिनेत्रीच्या अपकमिंग प्रोजेक्टची घोषणा!

राजकीय विश्लेषकांच्या मते, MCD मधील सत्ता टिकवण्यासाठी AAP ला किमान 3 जागा जिंकाव्या लागतील. जर भाजपला अधिक जागा मिळाल्या, तर महानगरपालिकेतील सत्ता संतुलन बदलू शकते. AAP च्या सूत्रांनी सांगितले की, MCD निवडणुकीसाठी आता तीन वर्षांपेक्षा कमी कालावधी शिल्लक आहे. त्यामुळे या रिक्त 11 जागांसाठी लवकरच पोटनिवडणुका होण्याची शक्यता आहे. त्यामुळे AAP ने आपल्या सत्तेचे वर्चस्व कायम ठेवण्यासाठी कंबर कसली आहे.

दिल्ली MCD महापौर निवडणुकीचे निकाल राजधानीच्या राजकीय समीकरणांना दिशा देऊ शकतात. जर AAP ने महापौर पद पटकावले, तर महानगरपालिकेतील त्यांची पकड अधिक मजबूत होईल. दुसरीकडे, BJPचा विजय त्यांना पुढील विधानसभा निवडणुकीत ताकद वाढवण्यास मदत करू शकतो. एकूणच, ही निवडणूक दिल्लीच्या राजकीय सत्तासंतुलनाला नवे वळण देणारी ठरू शकते.