Manmohan Singh Funeral Live Updates: Tributes and Final Journey
माजी पंतप्रधान मनमोहन सिंग यांच्या पार्थिवावर शनिवारी सकाळी ११.४५ वाजता निगमबोध घाटावर शासकीय इतमामात अंत्यसंस्कार करण्यात येणार आहेत. केंद्रीय गृहमंत्रालयाने शुक्रवारी ही माहिती दिली. मनमोहन सिंग यांचे गुरुवारी रात्री वयाच्या ९२ व्या वर्षी एम्समध्ये निधन झाले. गृह मंत्रालयाने सांगितले की, सरकारने निर्णय घेतला आहे की डॉ.मनमोहन सिंग यांच्यावर शासकीय इतमामाने अंत्यसंस्कार करण्यात येतील. सिंग यांच्यावर संपूर्ण लष्करी सन्मानाने अंत्यसंस्कार करण्याची व्यवस्था करावी, अशी विनंती संरक्षण मंत्रालयाला करण्यात आली आहे. याआधी मनमोहन सिंग यांचे पार्थिव अंत्यदर्शनासाठी काँग्रेस कार्यालयात ठेवण्यात येणार आहे.
तत्पूर्वी, केंद्रीय गृह मंत्रालयाने शुक्रवारी रात्री सांगितले की, माजी पंतप्रधान मनमोहन सिंग आणि त्यांच्या कुटुंबीयांच्या स्मारकासाठी सरकार जागा देणार आहे आणि काँग्रेस अध्यक्ष मल्लिकार्जुन खरगे यांना याबाबत माहिती देण्यात आली आहे. काँग्रेस अध्यक्ष मल्लिकार्जुन खर्गे यांनी पंतप्रधान मोदी आणि अमित शहा यांना फोन करून मनमोहन सिंग यांच्या स्मारकासाठी जागा देण्याचे आवाहन केले होते.
मनमोहन सिंग 2004 ते 2014 पर्यंत देशाचे पंतप्रधान होते. देशाच्या अर्थव्यवस्थेत त्यांनी महत्त्वाचे योगदान दिले आहे. त्यांनी देशात आर्थिक सुधारणा पुढे नेल्या. मनमोहन सिंग यांच्या स्मरणार्थ देशात सात दिवसांचा राष्ट्रीय दुखवटा जाहीर करण्यात आला आहे. आज त्यांच्या अंत्यसंस्काराच्या दिवशी केंद्र सरकारच्या कार्यालयांना अर्धा दिवस सुट्टी असेल. काल म्हणजेच शुक्रवारी झालेल्या केंद्रीय मंत्रिमंडळाच्या बैठकीत हा निर्णय घेण्यात आला.
28 Dec 2024 01:04 PM (IST)
माजी पंतप्रधान मनमोहन सिंग यांच्या पार्थिवावर दिल्लीतील निगम बोध घाटावर अंत्यसंस्कार करण्यात आले. त्यांच्या मुलीनेच त्यांच्या पार्थिवाला मुखाग्नी दिला. मनमोहन सिंग यांच्यावर शासकीय इतमामात अंत्यसंस्कार करण्यात आले. त्यानंतर मनमोहन सिंग यांच्या मुलीने पंतप्रधान मोदींशी संवाद साधला.
28 Dec 2024 12:26 PM (IST)
माजी पंतप्रधान मनमोहन सिंग यांच्या अंत्यसंस्काराला राहुल गांधींनी आपल्या कुटुंबासह खांदा दिला.
28 Dec 2024 12:05 PM (IST)
भाजपचे राष्ट्रीय अध्यक्ष जेपी नड्डा, राजनाथ सिंह, पंतप्रधान मोदींनी यांनी माजी पंतप्रधानांना श्रद्धांजली वाहिली. जेव्हा एम्सने माजी पंतप्रधानांबाबत निवेदन जारी केले तेव्हा जे.पी. नड्डा त्यांना भेटायला गेले होते.
28 Dec 2024 11:47 AM (IST)
माजी पंतप्रधान मनमोहन सिंग यांना निगम बोध घाटावर अभिवादन करण्यात आले. त्यांच्या अंत्यसंस्काराची प्रक्रिया सुरू झाली आहे. त्यांचे पार्थिव निगमबाग घाटात दाखल झाले आहे. राष्ट्रपती- पंतप्रधान मोदीही निगम बोध घाटावर येणार आहेत. त्याच्या येण्याची वाट पाहत होतो. मनमोहन सिंग यांच्यावर शासकीय इतमामात अंत्यसंस्कार करण्यात येणार आहेत. मनमोहन सिंग यांच्या अंत्यसंस्काराची प्रक्रिया निगम बोध घाटावर सुरू झाली आहे. राजनाथ सिंह, अमित शहा, जेपी नड्डा, राहुल गांधी यांच्यासह अनेक नेते निगम बोध घाटावर उपस्थित आहेत. पीएम मोदींच्या आगमनाची प्रतीक्षा आहे.
28 Dec 2024 11:28 AM (IST)
मनमोहन सिंग यांचे पार्थिव निगम बोध घाटावर पोहोचले आहे. काही वेळातच त्यांच्या पार्थिवावर राज्य सन्मानाने अंत्यसंस्कार करण्यात येणार आहेत.
28 Dec 2024 10:36 AM (IST)
देशाचे सुपुत्र डॉ. मनमोहन सिंग यांचे पार्थिव काँग्रेस मुख्यालयात आणले तेव्हा संपूर्ण देशाचे डोळे ओले झाले होते. मनमोहन सिंग आणि त्यांच्या आठवणी कायम आपल्या हृदयात जिवंत राहतील. माजी पंतप्रधान मनमोहन सिंग यांचे पार्थिव ज्या चौकाचौकात नेले जात आहे, त्या प्रत्येक चौकात सर्वसामान्य लोक त्यांना वंदन करत आहेत. त्यांचे पार्थिव काही वेळात निगम बोध घाटावर पोहोचेल.
देश के सपूत डॉ. मनमोहन सिंह जी के पार्थिव शरीर को कांग्रेस मुख्यालय लाते वक्त पूरे देश की आंखें नम थीं।
मनमोहन सिंह जी और उनकी यादें हमेशा हमारे दिलों में जिंदा रहेंगीं।
📍 नई दिल्ली pic.twitter.com/cTTk2mRhQ6
— Congress (@INCIndia) December 28, 2024
28 Dec 2024 10:01 AM (IST)
मनमोहन सिंग यांच्या अंत्ययात्रेला सुरूवात झाली आहे. आज सकाळी काँग्रेस मुख्यालयात त्यांचे पार्थिव अंतिम दर्शनासाठी ठेवण्यात आले होते. देशभरातील दिग्गज नेत्यांनी आज सकाळी त्यांचे अंतिम दर्शन घेतले.
28 Dec 2024 09:48 AM (IST)
माजी पंतप्रधान मनमोहन सिंग यांच्या अंत्यविधीला उपस्थित राहण्यासाठी राष्ट्रपती आणि उपराष्ट्रपती निगम बोध घाटावर जाणार आहेत. सीडीएस आणि तिन्ही सेवांचे प्रमुख या कार्यक्रमात सहभागी होणार आहेत. याशिवाय लोकसभा अध्यक्ष, संरक्षण राज्यमंत्री, संरक्षण सचिव, कॅबिनेट सचिव, संरक्षण सचिव. गृहसचिवही सहभागी होणार आहेत.
28 Dec 2024 09:31 AM (IST)
मनमोहन सिंग यांचे पार्थिव काँग्रेस कार्यालयात ठेवण्यात आले आहे. त्यांचे अंतिम दर्शन सुरू झाले आहे. सोनिया गांधी, मल्लिकार्जुन खर्गे, राहुल गांधी, प्रियंका गांधी यांच्यासह अनेक नेत्यांनी मनमोहन सिंग यांना श्रद्धांजली वाहिली.
28 Dec 2024 09:23 AM (IST)
दिल्ली वाहतूक पोलिसांनी दिलेल्या माहितीनुसार, रिंग रोड (महात्मा गांधी मार्ग), निषाद राज मार्ग, बुलेवर्ड रोड, एसपीएम मार्ग, लोथियान रोड आणि नेताजी सुभाष मार्गावर सकाळी 7 ते दुपारी3 वाजेपर्यंत वाहतूक निर्बंध लागू करण्यात आले असून या मार्गावरील वाहतूक दुसऱ्या मार्गावर वळवण्यात आली आहे. लोकांना हे रस्ते आणि ज्या भागातून अंत्ययात्रा जाईल ते टाळण्याचा सल्ला देणारी ॲडव्हायझरी जारी करण्यात आली आहे.
28 Dec 2024 09:21 AM (IST)
माजी पंतप्रधान मनमोहन सिंग यांचे अंतिम संस्कार राजघाटाजवळ व्हायला हवेत, असे काँग्रेस नेते सुखजिंदर सिंग रंधावा यांनी म्हटले आहे. डॉक्टर साहेबांनी देशाला आर्थिक संकटातून वाचवले. ज्याप्रमाणे सर्व पंतप्रधानांचे अंत्यसंस्कार राजघाटाजवळ झाले, त्याचप्रमाणे डॉ साहेबांवरही तेथेच अंत्यसंस्कार व्हावेत.
28 Dec 2024 09:17 AM (IST)
#WATCH | Delhi | Mortal remains of former Prime Minister #DrManmohanSingh brought to AICC headquarters.
The mortal remains will be kept there for the party workers to pay their last respects. pic.twitter.com/iVE8MqI9KN
— ANI (@ANI) December 28, 2024
28 Dec 2024 09:11 AM (IST)
लोकसभेतील विरोधी पक्षनेते आणि खासदार राहुल गांधी आणि पक्षाच्या खासदार प्रियांका गांधी वाड्रा AICC कार्यालयात पोहोचले. दिवंगत माजी पंतप्रधान डॉ. मनमोहन सिंग यांचे पार्थिव काँग्रेस पक्ष कार्यालयात कार्यकर्त्यांच्या अंतिम दर्शनासाठी ठेवण्यात येणार आहे.
.png "Videos"){kind=small}
