शुक्रवार, 23 ऑक्टोबर 2026
गोवा अर्पोरा नाईट क्लब आगीच्या घटनेबद्दल पंतप्रधान नरेंद्र मोदी यांनी शोक व्यक्त केला (फोटो - सोशल मीडिया)
गोव्यातील या नाईटक्लबमध्ये सिलेंडरचा मोठा स्फोट झाला. या स्फोटानंतर भीषण आग लागली. या लागलेल्या आगीत 23 जणांचा मृत्यू झाल्याची माहिती सध्या दिली जात आहे. शनिवारी रात्री उशिरा उत्तर गोव्यात एका नाईटक्लबमध्ये सिलेंडरचा स्फोट झाला. सिलेंडरच्या स्फोटामुळे नाईटक्लब आगीच्या भक्ष्यस्थानी पडला. नाईटक्लब काही वेळातच जळून खाक झाला. आगीचे कारण सिलेंडरचा स्फोट असल्याचे पोलिसांनी निश्चित केले आहे. यानंतर पंतप्रधानांनी गोव्याचे मुख्यमंत्री प्रमोद सावंत यांच्याशी फोनवरुन संवाद साधून घटनेची सर्व माहिती जाणून घेतली.
हे देखील वाचा : गोव्यातील नाईटक्लबमध्ये सिलेंडरचा मोठा स्फोट; स्फोटानंतर लागलेल्या आगीत 23 जणांचा मृत्यू
पंतप्रधान नरेंद्र मोदी यांनी गोव्याचे मुख्यमंत्री प्रमोद सावंत यांच्याकडून गोव्यातील या प्रकरणाची माहिती जाणून घेतली. तसेच मुख्यमंत्री प्रमोद सावंत यांनी देखील घटनास्थळी भेट दिली. बहुतेक मृत्यू गुदमरल्यामुळे झाल्याचे वृत्त आहे. ही घटना स्थानिक वेळेनुसार रात्री १२:०४ वाजता अर्पोरा गावात घडली. मुख्यमंत्री प्रमोद सावंत यांनी त्यांच्या पोस्टमध्ये म्हटले की, राज्य सरकारने घटनेच्या चौकशीचे आदेश दिले आहेत. तसेच पंतप्रधान नरेंद्र मोदी यांनी घटनेत मृत्यूमुखी पडलेल्यांच्या वारसांना 2 लाख रुपये मदत देण्याचे जाहीर केले. तसेच जखमींना 50 हजार रुपये दिले असल्याचे माहिती समोर आली आहे.
हे देखील वाचा : विधिमंडळाचे हिवाळी अधिवेशन उद्यापासून; शेतकरी कर्जमाफीसह ‘हा’ मुद्दा ठरणार चर्चेचा
पंतप्रधानांनी व्यक्त केला शोक
पंतप्रधान नरेंद्र मोदी यांनी एक्स या सोशल मीडिया प्लटफॉर्मवर पोस्ट करत या गोव्यातील अग्नितांडववर शोक व्यक्त केला. नरेंद्र मोदी यांनी लिहिले आहे की, गोव्यातील अर्पोरा येथील आगीची दुर्घटना अत्यंत दुःखद आहे. ज्यांनी आपल्या प्रियजनांना गमावले आहे त्यांच्याबद्दल माझ्या संवेदना आहेत. जखमी लवकरात लवकर बरे व्हावेत अशी प्रार्थना करतो. गोव्याचे मुख्यमंत्री डॉ. प्रमोद सावंत जी यांच्याशी परिस्थितीबद्दल बोललो. राज्य सरकार बाधितांना सर्वतोपरी मदत करत आहे, असे पंतप्रधान मोदींनी लिहिले आहे.
The fire mishap in Arpora, Goa is deeply saddening. My thoughts are with all those who have lost their loved ones. May the injured recover at the earliest. Spoke to Goa CM Dr. Pramod Sawant Ji about the situation. The State Government is providing all possible assistance to those… — Narendra Modi (@narendramodi) December 7, 2025
