Rahul Gandhi On Delhi Crime: ४७ किमी प्रवास अन् पोलिसांना खबर नाही; दिल्ली सामूहिक बलात्कारावर राहुल गांधींचा घणाघात

Rahul Gandhi On Delhi Crime: स्लीपर बसमध्ये घडलेल्या या घटनेची दिल्ली आणि नोएडा पोलिसांनाही कल्पना नव्हती. २०१२ मधील निर्भया। प्रकरण आणि महिलांवरील अशा अनेक घटना घडूनही, स्लीपर बसेसची तपासणी आणि देखरेख करण्याबाबतचे नियम का लागू केले जात नाहीत, असा प्रश्न त्यांनी उपस्थित केला.

Rahul Gandhi On Delhi Crime: "४७ किमी प्रवास अन् पोलिसांना खबर नाही"; दिल्लीतील सामूहिक बलात्कारावर राहुल गांधींचा घणाघात

Follow Us:

Follow Us:

• दिल्लीतील धावत्या स्लीपर बसमध्ये १६ वर्षीय अल्पवयीन मुलीवर सामूहिक बलात्कार
• ४७ किमी प्रवासादरम्यान पोलिसांना खबर न लागल्याने राहुल गांधींचा सरकारला जाब
• ‘एक्स’ पोस्टद्वारे दिल्लीतील महिला सुरक्षेच्या स्थितीवर राहुल गांधींची तीव्र टीका

राहुल गांधी यांनी मंगळवारी ‘एक्स’वर पोस्ट करत म्हटले की, दिल्ली महिलांसाठी असुरक्षित बनली आहे, अशी टीका केली. ४७ किमीपर्यंतच्या प्रवासादरम्यान बसची तपासणी झाली का नाही? असा सवाल राहुल गांधींनी उपस्थित केला आहे.

Maharashtra Band: मराठा आरक्षणामुळे राजकारण तापणार; उद्या ४ जिल्ह्यांत कडकडीत बंद!

स्लीपर बसमध्ये घडलेल्या या घटनेची दिल्ली आणि नोएडा पोलिसांनाही कल्पना नव्हती. २०१२ मधील निर्भया  प्रकरण आणि महिलांवरील अशा अनेक घटना घडूनही, स्लीपर बसेसची तपासणी आणि देखरेख करण्याबाबतचे नियम का लागू केले जात नाहीत, असा प्रश्न त्यांनी उपस्थित केला. बसचे पडदे केवळ घटना लपवण्याचे साधन नव्हते; तर ते सरकारचे प्रशासकीय अपयश अनेक वर्षापासून झाकून ठेवणाऱ्या पडद्याचेही प्रतीक आहेत. राहुल गांधी यांनी केंद्र आणि राज्य सरकारकडे याप्रकरणी जबाबदारी निश्चित करण्याची मागणी केली. यंत्रणेत सुधारणा करण्यासाठी केंद्र आणि राज्य सरकार पावले उचलण्यापूर्वी आणखी किती महिला आणि मुलींना अशा घटनांचा सामना करावा लागेल, असा सवाल त्यांनी केला.

नेमकी कधी अटक ?; तपशील जारी नाही !

पोलिसांच्या माहितीनुसार, पीडितेने ग्रेटर नोएडातील ‘परी चौक’ येथून बस पकडली होती. आरोपीने तिला ‘काश्मिरी गेट’ येथे उतरवले. या काळात बसने सुमारे ४७ किमीचे अंतर कापले. बसच्या खिडक्यांना पडदे लावलेले होते. पोलिसांनी बसचा चालक कुलदीप आणि वाहक संदीप यांना अटक केली आहे. त्यांना नेमके कधी अटक करण्यात आली, याचा तपशील अद्याप जाहीर करण्यात आलेला नाही. पीडित तरुणी उत्तर प्रदेशातील मैनपुरी जिल्ह्यातील असून ती अकरावीची विद्यार्थिनी आहे.

Disha Salian case: दिशा सालियन मृत्यूचे गूढ उकलणार; मुंबई उच्च न्यायालयाकडून सीबीआय चौकशीची मंजुरी

असा घटनाक्रम !

वाद झाल्यानंतर पीडितेचे घर सोडले
कौटुंबिक वाद झाल्यानंतर, तिने कोणालाही न सांगता बसने नोएडा येथील आपल्या चुलत भावाच्या घरी जाण्याचा निर्णय घेतला.
बसने ती ग्रेटर नोएडा येथे उतरली
मुसळधार पाऊस आणि अंधारामुळे, ती विद्यार्थिनी चुकून ‘परी चौक’ येथे उतरली. त्यानंतर नोएडाला जाण्यासाठी ती वाहनाची वाट पाहू लागली.
चालक आणि वाहकाकडून बसमध्ये प्रवेश दिला
चालक आणि वाहकाने त्या विद्यार्थिनीला बसमध्ये बसू दिले आणि ती बस नोएडा सेक्टर-६३ कडे जात असल्याचे तिला सांगितले.
पोलिसांच्या म्हणण्यानुसार, बस सुरू झाल्यानंतर काही वेळातच वाहकाने तिच्यावर विनयभंग करण्याचा प्रयत्न केला.
चालक, वाहकाने तिच्यावर बलात्कार केला. तिने प्रतिकार केला असता, दोघांनीही तिला जीवे मारण्याची धमकी दिली.

Web Title: Rahul gandhi slams center and delhi government over sleeper bus assault case

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com