Airtel ने 5G युजर्ससाठी 3 नवीन प्लॅन्स लाँच केले! 51 रुपयांच्या सुरुवातीच्या किमतीत मिळतील अनेक फायदे

दरवाढीनंतर आता एअरटेलने काही नवीन डेटा पॅक लाँच केले आहेत. 51 रुपयांपासून सुरु होणाऱ्या या पॅकमध्ये मिळतील अनेक फायदे. वाचा आणि सविस्तर जाणून घ्या. (फोटो सौजन्य: istock)

भारतात प्रमुख तीन टेलिकॉम कंपन्या आहेत, ज्यामध्ये एअरटेलचाही समावेश आहे. त्यातच आता अलीकडेच तिन्ही कंपन्यांनी आपल्या रिचार्ज प्लॅनच्या किमतीमध्ये मोठी वाढ केली आहे. अलीकडेच तिन्ही टेलिकॉम कंपन्यांनी त्यांच्या प्रीपेड आणि पोस्टपेड प्लॅनच्या किमती वाढवल्या आहेत. त्यामुळेच आता या दरवाढीमुळे अनेक युजर्स निराश झाले आहेत.

मात्र आता ग्राहकांना चांगला अनुभव देण्यासाठी एअरटेलने तीन नवीन डेटा बूस्टर प्लॅन्स लाँच केले आहेत. या प्लॅन्सची किंमत 51 रुपये, 101 रुपये आणि 151 रुपये अशी आहे. 5G युजर्ससाठी आता हे नवीन प्लॅन्स एक उत्तम पर्याय ठरू शकतात. आज आम्ही तुम्हाला या प्लॅनमध्ये मिळत असलेल्या बेनेफिट्सविषयी सविस्तर माहिती सांगत आहोत.

बूस्टर पॅकसह 5G स्पीड

या प्लॅनसह आता रोज 1GB किंवा 1.5GB डेटा प्लॅन घेणाऱ्या युजर्सना काही रुपयांमध्ये अनलिमिटेड 5G डेटाचा फायदा घेता येणार आहे. तुमचा बेस प्लान काहीही असो, रु. 51, रु. 101 किंवा रु. 151 चे बूस्टर पॅक ऍक्टिव्ह केल्याने तुम्हाला तुमच्या विद्यमान प्लॅनमध्ये समाविष्ट असलेल्या डेटासह अनलिमिटेड 5G डेटाचा ऍक्सेस मिळेल.

एक्सट्रा डेटाचा फायदा मिळेल

• या बूस्टर प्लॅनसह तुम्हाला अतिरिक्त डेटाचा फायदा घेता येईल
• जिथे 3GB 51 रुपयांना, 6GB 101 रुपयांना आणि 9GB अतिरिक्त 151 रुपयांना उपलब्ध आहे
• तुम्ही तुमच्या मूळ युजनेच्या मर्यादेपर्यंत पोहचल्यानंतर अतिरिक्त डेटा ऍक्टिव्ह करू शकता

हेदेखील वाचा –  ऑनलाईन रेल्वे तिकीट कसे बुक करावे? या टिप्स फॉलो करा

एअरटेलचे सर्वात परवडणारे 5G प्लॅन

• बेस प्लॅनच्या किमती जरी वाढल्या असल्या तरी एअरटेल भारतात 5G ॲक्सेससाठी काही सर्वात परवडणारे एंट्री पॉइंट उपलब्ध करून देत आहे
• दरवाढीनंतर एअरटेलचा सर्वात स्वस्त प्रीपेड 5G प्लॅन 249 रुपयांपसून सुरु होतो
• तर पोस्टपेड युजर्स 449 रुपयांमध्ये 5G ॲक्सेस करू शकतात
• एअरटेलचे नवीन डेटा बूस्टर पॅक बजेटच्या-अनुकूल किमतींमध्ये 5G डेटाची वाढती मागणी पूर्ण करतात
• हे पॅक युजर्सना त्यांच्या विद्यमान प्लॅनवर अमर्यादित 5G अनलॉक करण्याची परवानगी देऊन 5G वर प्रवेश करणे अधिक सोपे करते