25 वर्षीय अभिनेता पवन सिंहचा हृदयविकाराच्या झटक्याने मृत्यू, अनेक टीव्ही शोमध्ये केलं होत काम!

टीव्ही जगतातील प्रसिद्ध अभिनेता पवन सिंह यांच्या हृदयविकाराच्या झटक्याने निधन झालं आहे. या बातमीने सर्वांनाच धक्का बसला आहे. पवन 25 वर्षांचा होता.

Follow Us:

Follow Us:

हिंदी आणि तमिळ टीव्ही इंडस्ट्रीतील सक्रिय अभिनेता पवन सिंह  (Pawan Dies At 25 Due To Cardiac Arrest )यांचे निधन झाले आहे. तो 25 वर्षांचा होता. शुक्रवारी, 18 ऑगस्टला पवन घरीच असताना त्यांना हृदयविकाराचा झटका आला. त्याला तातडीने जवळच्या रुग्णालयात नेण्यात आले, तेथे डॉक्टरांनी त्याला मृत घोषित केले. पवनच्या निधनाने हिंदी आणि तमिळ टीव्ही इंडस्ट्रीत शोककळा पसरली आहे.

मूळचा कर्नाटकातील मंड्या जिल्ह्यातील

मिळालेल्या माहितीनुसार, पवन सिंह हा कर्नाटकातील मंड्या जिल्ह्यातील रहिवासी होता. त्यांच्या आईचे नाव सरस्वती आणि वडिलांचे नाव नागराजू आहे. त्याचे कुटुंबीय आणि मित्रमंडळी त्याचा मृतदेह मांड्या येथे घेऊन जाण्याच्या तयारीत आहेत, जिथे त्याच्यावर अंत्यसंस्कार केले जाणार आहेत. पवनसिंग कर्नाटकातून कामानिमित्त मुंबईत आला होता आणि कुटुंबासह येथे राहत होता, असे सांगण्यात येत आहे. शुक्रवारी पहाटे पाचच्या सुमारास पवनला हृदयविकाराचा झटका आला. त्याला रुग्णालयात दाखल करण्यात आले मात्र, त्यापुर्वीच त्याची प्राणज्योत मालावली.

चाहत्यांनी व्यक्त केला शोक

पवन सिंग यांच्या निधनाबद्दल त्यांचे सहकारी आणि चाहत्यांनी शोक व्यक्त केला आहे. समाजातील इतर प्रतिष्ठित लोकही शोक व्यक्त करत आहेत. मंड्याचे आमदार एचटी मंजू, माजी आमदार केबीई चंद्रशेखर, माजी मंत्री केसी नारायण गौडा, माजी आमदार प्रकाश टीएपीसीएमएसचे अध्यक्ष बीएल देवराजू, काँग्रेस नेते बुकनाकेरे विजय रामागौडा, ब्लॉक काँग्रेस अध्यक्ष बी नागेंद्र कुमार, जेडीएस नेते अक्कीहाबालू रघु आणि युवा जनता दलाचे राज्यमंत्री जी. सचिव कुरुबहल्ली नागेश यांच्यासह अनेकांनी पवन सिंह यांना श्रद्धांजली वाहिली आहे. नुकतेच कन्नड चित्रपट अभिनेते विजय राघवेंद्र यांची पत्नी स्पंदना यांचेही हृदयविकाराच्या झटक्याने निधन झाले. आता पवन सिंग यांच्या निधनाने दक्षिण भारतीय सृष्टीला मोठा धक्का बसला आहे.

Web Title: Hindi tamil tv actor pawan dies at 25 due to cardiac arrest in mumbai nrps

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com