पंढरपूर : नागेश भोसले (Nagesh Bhosale) आणि दिलीप धोत्रे (Dilip Dhotre) यांची ‘बी’ टीम आहे. या चर्चेला पूर्णविराम देत दिलीप बापू धोत्रे यांनी आपण परिचारक गटाच्या विरोधात नगरपालिका निवडणूक (Pandharpur Municipal Election) लढवण्याची तयारी केली असून, नागेश भोसले आपली भूमिका लवकरच स्पष्ट करतील.
परिचारक परिवाराकडे गेली २७ वर्षे नगरपालिकेतील सत्ता ताब्यात आहे. कोट्यवधी रुपयांचा निधी येऊनही विकासकामे व्यवस्थित पार पडली नाहीत. परिचारक गटाला कायम विरोध दर्शवणारा विरोधी गट आपल्या सोबत असून, शहरातील सर्व पक्षीय राष्ट्रवादी काँग्रेस, काँग्रेस, शिवसेना, मनसे तसेच भालके गटातील सर्व कार्यकर्ते आपल्यासोबत असून, या विरोधी गटाच्या माध्यमातून परिचारक गटाला नगरपालिकेतून पायउतार केल्याशिवाय आम्ही स्वस्थपणे बसणार नाही, असे ठामपणे मनसेचे दिलीप बापू धोत्रे यांनी पत्रकार परिषदेत माहिती दिली.
आम्ही ‘बी’ टीम आहोत म्हणून हिणवले जात आहे. परंतु लवकरच नगरपालिका निवडणूकीत आम्ही कोणत्या टीमचे आहोत. ते अफवा उठवणाऱ्याना दिसून येईल.
.png "Videos"){kind=small}
