पंढरपूर : माजी आमदार सुधाकरपंत परिचारक यांचा पुतळा शहरातील खादी ग्रामोद्योगच्या जागेवर उभा करण्यात येणार असल्याचे तसेच त्याबाबत निविदा काढल्याची चर्चा शहरात सुरू आहे. याविषयी मनसेचे नेते दिलीप धोत्रे यांनी आपल्या पत्रकार परिषदेत बोलताना परिचारक कुटुंबातील लोकांनी आमदार सुधाकर परिचारक यांचा पुतळा स्वमालकीच्या जागेवर उभा करावा, असे सांगितले.
शहरातील मोक्याच्या ठिकाणी पुतळा उभारुन काय साध्य करणार? या जागा व्यापारी दृष्टीने अतिशय महत्त्वाच्या आहेत. सत्तेचा गैरवापर करून हा पुतळा उभारण्याचा प्रयत्न सुरू आहे. या पुतळा उभारणीसाठी जनतेचा पैसा खर्च होणार आहे. नगरपालिकेचा घरपट्टीचा कर कमी केला असता तर बरे झाले असते. परंतु जनतेच्या पैशातून पुतळा उभारला जात असेल तर त्याला आम्ही विरोध करु, असेही धोत्रे म्हणाले.
पंढरपूर तालुक्याचे आजपर्यंत भाई रावळ, औदुंबर आण्णा पाटील, पांडुरंग डिंगरे, भारत भालके, यासर्व जे आमदार होऊन गेले यांनी तालुक्यासाठी योगदान दिले आहे. माजी आमदार सुधाकरपंत परिचारकांसह सर्व मान्यवर आमदारांचे पुतळे हे आमदार भाई रावळ यांच्या पुतळ्या परिसरात उभे करून त्याठिकाणी सुशोभीकरण करण्यात यावे आणि या चौकाला आमदार चौक म्हणून नाव देण्यात यावे, अशी मागणीही यावेळी करण्यात आली.
.png "Videos"){kind=small}
