श्रावणात बनवा थंडगार केसर पियुष, काही मिनिटांतच तयार होते रेसिपी

श्रावण महिना सुरु झाला आहे. या महिन्यात अनेक पारंपरिक रेसिपींना उजाळा मिळतो. श्रावणात तुम्हीही उपवास करत असाल तर केसर पियुषची रेसिपी एकदा नक्की करून पहा. हे एक स्वादिष्ट मलईदार पेय आहे. हा पदार्थ पश्चिम भारतातील महाराष्ट्रीयन आणि गुजराती पाककृतींमध्ये आवर्जून पाहायला मिळते.

श्रावण महिना सुरु आहे. या महिन्याला हिंदू धर्मात फार महत्त्व असते. या महिन्याला व्रत-वैकल्याचा महिना म्हणून ओळखले जाते. श्रावण महिना भगवान शिवाला समर्पित केला जातो. या महिन्यात अनेकजण देवाची पूजा-अर्चा करत उपवास करत असतात. आता उपवासाला अनेक गोष्टींचे सेवन करणे वर्ज्य असते. यात स्वीट डिशचे प्रकार फार नाहीत.

अशात तुम्हाला या श्रावणी उपवासात काही गोड बनवून खावेसे वाटत असेल तर आजची ही रेसिपी तुमच्यासाठी फायद्याची ठरू शकते. महिला वर्ग तर नेहमीच काही ना काही नवीन रेसिपीच्या शोधात असाल अशात केसर पियुष हा पदार्थ तुम्ही फार कमी ऐकला असावा. हा चवीला गोड आणि थंडगार असतो. हे एक स्वादिष्ट मलईदार पेय आहे. उपवासात हा पदार्थ तुम्हाला दिवसभर ऊर्जा प्रदान करण्यास मदत करेल. तुम्हालाही उपवासाचे तेच तेच पदार्थ खाऊन कंटाळा आला असेल तर आजची ही रेसिपी एकदा जरूर करून पहा. जाणून घ्या यासाठी लागणारे साहित्य आणि कृती.

साहित्य

• 3 कप गोदरेज जर्सी कर्ड
• पाऊण कप साखर
• अर्धा कप बर्नयार्ड बाजरी, मऊ होईपर्यंत शिजवलेली
• अर्धा चमचा के सर, पाण्यात भिजवलेले
• अर्धा चमचा वेलची पूड
• जायफळ पूड, चिमूटभर

हेदेखील वाचा – संध्याकाळच्या नाश्त्याला काही हेल्दी होऊन जाऊद्यात! घरी बनवा टेस्टी मुगाची चाट

कृती

• केसर पियुष बनवण्यासाठी सर्वप्रथम शिजवलेली बर्नयाडी ज्वारी घ्या आणि दोन काप पाणी वापरून मिक्सरमध्ये बारीक करून घ्या
• आता हे मिश्रण एका पातळ कपड्यातून गाळून घ्या. बर्नयार्ड ज्वारीचे दूध तयार आहे
• आता मिक्सरच्या भांड्यात गोदरेज जर्सी कर्ड, बर्नयार्ड ज्वारीचे दूध, साखर, केसर, वेलची पूड, कुटलेले जायफळ घालून स्मूदीप्रमाणे
• याचे मिश्रण तयार होईपर्यंत ब्लेंड करून घ्या
• आता एका ग्लासामध्ये हे पेय टाका आणि वरून काही केसरच्या काड्या टाका
• अशाप्रकारे तुमचा केसर पियुष तयार होईल
• तुम्ही हे केसर पियुष फ्रिजमध्ये काहीवेळ थंड होण्यासाठी ठेवून मग याचा आस्वाद घेऊ शकता