संध्याकाळच्या नाश्त्याला काही हेल्दी होऊन जाऊद्यात! घरी बनवा टेस्टी मुगाची चाट

चाट हा खाद्यपदार्थ तर प्रत्येकाला माहितीच आहे. सध्या पावसाळा ऋतू सुरु आहे. या ऋतूत चाट खाण्याची फार इच्छा होत असते. तुम्ही आजवर अनेक प्रकारची चाट खाल्ली असेल मात्र तुम्ही कधी मुगाच्या डाळीची चाट खाल्ली आहे का? नाही तर आजच ही चटपटीत रेसिपी ट्राय करा. वजन कमी करण्याचा विचार करत असाल तर तुमच्या लिस्टमध्ये ही रेसिपी असायलाच हवी.

Follow Us:

Follow Us:

सध्या पावसाळा ऋतू सुरु आहे. या ऋतूत नेहमीच काहीतरी टेस्टी आणि चटपटीत खावेसे वाटत असते. त्यातच संध्याकाळ झाली की आपल्याला हलकी हलकी भूक लागायला सुरुवात होते. अशात अधिकतर आपल्या तळणीचे पदार्थ आठवू लागतात. मात्र आम्ही तुम्हाला सांगतो की सतत तेलकट पदार्थ खाल्ल्याने आपल्या शरीरावर याचा वाईट परिणाम होऊ शकतो. अशात तुम्ही टेस्टी पण पौष्टिक अशी रेसिपी ट्राय करू शकता.

तुम्ही हेल्दी आणि टेस्टी अशी रेसिपी शोधत असाल तर आजची ही रेसिपी तुमच्यासाठी खास ठरणार आहे. आज आम्ही तुमच्यासाठी मुगाच्या डाळीच्या चाटची हटके रेसिपी घेऊन आलो आहोत. ही चटपटीत आणि पौष्टिक भेळ तुमची संध्याकाळ बहारदार बनवेल. जाणून घ्या यासाठी लागणारे आवश्यक साहित्य आणि कृती.

साहित्य

• मोड आलेले मूग 2 मोठे चमचे
• कांदा 1 मध्यम
• सिमला मिरची 1 मोठा चमचा (बारीक चिरलेली)
• दाण्याचा कूट 1 चमचा
• सैंधव मीठ चवीनुसार
• कोथिंबीर 1 चमचा (चिरलेली)
• चवीसाठी आमचूर पावडर/लिंबू रस,
• लाल तिखट
• मीठ
• खजूर- चिंचेची गोड चटणी

हेदेखील वाचा – सणाची सुरुवात गोडाने करा, घरी बनवा चवदार गाजराची बर्फी, पारंपरिक रेसिपी नोट करा

कृती

• मुगाच्या डाळीची चाट बनवण्यासाठी सर्वप्रथम मुगाची डाळ काही तास पाण्यात भिजत ठेवा
• डाळ छान भिजली की मग कुकरमध्ये वाफवून घ्या
• यानंतर एक भांडे घेऊन त्यात वाफवलेले मूग, बारीक चिरलेला कांदा, सिमला मिरची, कोथिंबीर, दाण्याचा कूट घाला आणि सर्व साहित्य नीट एकजीव करा
• नंतर यात सैंधव मीठ, आमचूर पावडर/लिंबू रस, तिखट, मीठ, खजूर- चिंचेची चटणी घाला आणि साहित्यात नीट मिसळून घ्या
• शेवटी यावर कोथिंबीर घाला आणि तुमची मुगाच्या डाळीची चाट तयार होईल
• अशाप्रकारे तुम्ही अगदी कमी वेळेत चटपटीत मुगाची डाळ बनवू शकता
• गरमा गरम चहासोबत ही चाट खाण्यासाठी सर्व्ह करा

Web Title: Monsoon recipe make tasty and healthy moong dal chaat

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com