मुंबई : टीव्ही अभिनेत्री तुनिषा शर्माने (Tunisha Sharma) शनिवारी गळफास लावून आपल्या आयुष्याचा शेवट केला. तिच्या आत्महत्येच्या वृत्ताने चाहत्यांसह सगळीकडे खळबळ उडाली आहे. प्रत्येकाच्या मनात विविध प्रश्न निर्माण होत आहेत. तुनिषाच आज जेजे रुग्णालयात शवविच्छेदन करण्यात आलं असून त्याच अहवालही समोर आला आहे. ज्यामध्ये तिच्या मृत्यूबाबत मोठा खुलासा झाला आहे.
[read_also content=”आगीत कपडे जळून खाक, घराबाहेर पुरुष उभे होते म्हणून आल्या नाहीत बाहेर, अब्रू वाचवण्याच्या प्रयत्नात 17 महिलांनी गमावला जीव https://www.navarashtra.com/india/17-women-died-because-clothes-burnt-in-fire-women-did-not-come-out-as-men-were-standing-outside-in-jodhpur-cylinder-blast-nrps-356632.html”]
टीव्ही अभिनेत्री तुनिषा शर्माचे (Tunisha sharma ) पोस्टमॉर्टम रविवारी सकाळी मुंबईतील जेजे रुग्णालयात झाले. त्याची व्हिडिओग्राफीही करण्यात आली आहे. शवविच्छेदन अहवालानुसार, तुनिषा शर्माचा मृत्यू श्वास गुदमरल्याने झाला असल्याची माहिती समोर आली आहे. तिच्या शरीरावर कोणतीही जखम किंवा जखम आढळलेली नाही, तसेच तुनिषा शर्माच्या गर्भवती असल्याचंही वृत्त पोलिसांनी फेटाळलं आहे.
तुनिषाने शनिवारी शूटिंग सेटवर गळफास लावून आत्महत्या केली. आत्महत्येप्रकरणी त्याचा सहकलाकार शीजान खान (Sheezan Khan) याला वालीव पोलिसांनी अटक केली आहे. आज त्याला न्यायालयात हजर करण्यात आले. तनुशीच्या आईने शीजानवर गंभीर आरोप केले आहेत. शीजानवर नाराज होऊन तुनिषाने आत्महत्या केल्याचे त्यांनी सांगितले. दरम्यान, पोलिसांनी सेटवर उपस्थित सर्व लोकांची चौकशीही केली होती. घटनास्थळावरून कोणतीही सुसाइड नोट सापडलेली नाही. खून आणि आत्महत्या या दोन्ही बाजूंनी या प्रकरणाचा तपास सुरू असल्याचे पोलिसांचे म्हणणे आहे.
.png "Videos"){kind=small}
