चहासोबत काहीतरी मसालेदार खायचे आहे? तर ट्राय करा ‘ही’ खास रेसिपी

पावसाळ्यात संध्याकाळी चहासोबत काहीतरी मसालेदार खाण्याची मजाच वेगळी असते. असे काही बनवायचा विचार करत असाल तर तुम्ही 'ही' खास रेसिपी ट्राय करू शकता.

अनेकांना मसालेदार पदार्थ खूप आवडतात. पावसाळ्यात तर गरमागरम चहासोबत चटपटीत खायला मिळाले कर वेगळीच मजा येते. चहा आणि भजी खाऊन कंटाळही आला असेल. मग ही खास रेसिपी तुमच्यासाठीच आहे. तुम्हाला राजस्थानचा फेमस पदार्थ मिर्ची वडा माहीत आहे का? आज आम्ही तुम्हाला याची रेसिपी सांगणार आहोत. तुम्ही संध्याकाळी गरमागरम चहासोबत मिर्ची वडा बनवून खाऊ शकता. राजस्थानी मिर्ची वडा खायला इतका चविष्ट आहे, की एकदा खाल्ले तर पुन्हा पुन्हा खावासा वाटेल. एवढेच नाही तर राजस्थानी मिर्ची बडा बनवण्याची पद्धतही खूप सोपी आहे.

चला तर मग जाणून राजस्थानी मिर्ची वडा रेसिपी

राजस्थानी मिर्ची वडा बनवण्यासाठी लागणारे साहित्य

• 10 ते 12 लांब हिरवी मिरची
• दोन उकडलेले बटाटे
• दोन वाट्या बेसन
• बारीक चिरलेली कोथिंबीर
• पुदिना
• आले लसूण पेस्ट
• हिंग
• बारीक चिरलेली हिरवी मिरची
• तिखट
• धने पावडर
• हळद
• गरम मसाला
• चवीनुसार मीठ
• तेल

राजस्थानी मिर्ची वडा कसा बनवायचा?

• राजस्थानी मिर्ची वडा बनवण्यासाठी सर्वप्रथम तुम्हाला हिरव्या मिरच्या धुऊन आणि मधोमध चिरून घ्या.
• आता त्यातील सर्व बिया काढून टाका.
• मग एका भांड्यात बेसन घेऊन त्यात उकडलेले बटाटे, हिरवे धणे, पुदिना, आले आणि लसूण पेस्ट, थोडे मसाले घालून मिक्स करा.
• या पेस्टच्या मदतीने लहान टिक्की बनवून हिरव्या मिरचीमध्ये भरून घ्या.
• यानंतर, पीठ बनवा, बेसन तयार करण्यासाठी एका मोठ्या भांड्यात बेसन घ्या.
• त्यात काही बारीक चिरलेल्या हिरव्या मिरच्या, मीठ, चिमूटभर हळद, एक चमचा तेल आणि थोडे पाणी घालून बेसन पीठाचे मिश्रण तयार करा.
• आता ही भरलेली मिरची त्या मिश्रणात बुडवून घ्या. मग कढईत तेल गरम करून या मिर्च्या गोल्डन होईपर्यंत तळून घ्या मग एका प्लेटमद्ये काढा.
• अशा पद्धतीने तयार होईल राजस्थान फेमस मिर्ची वडा. जो तुम्ही पावसाचा आनंद घेत गरमागरम चहासोबत खाऊ शकता. तसेच तुमच्या आवडत्या चटणीसोबत तो सर्व्ह करू शकता.