मंगळवार, 20 ऑक्टोबर 2026
पिंपोडे बुद्रुक : उत्तर कोरेगांव तालुक्यातील खामकरवाडी येथील जोत्सना सावंत या महिलेने जागतिक महिला दिनानिमित्त जिल्हाधिकारी कार्यालयासमोर आत्मदहन करण्याचा दिशारा दिला आहे. खामकरवाडी येथील गावगुंडांच्या त्रासाला कंटाळून आत्मदहन करण्याचा महिलेने इशारा दिल्याचे सांगितले जात आहे.
याबाबत सविस्तर वृत्त असे की, कोरेगाव तालुक्यातील खामकरवाडी येथील एका महिलेने आत्मदहनाचा इशारा दिला आहे. शेतजमिनीच्या वादातून गावातील किसन सावंत, सचिन सावंत, कुमार सावंत हे वारंवार शिवीगाळ करून माझ्या कुटुंबाला मारहाण करीत आहेत. त्यामुळे आमची मानसिक स्थिती पूर्णपणे खालावली आहे. त्रास सहन करण्यापेक्षा एकदा जीवन संपवले तर बरे. याबाबत शासन दरबारी तक्रार करूनही आमच्या सावंत कुटुंबाला न्याय मिळत नाही. सतत मारहाण करीत असल्यामुळे जगावे की मरावे, अशी बिकट अवस्था झाली आहे.
आमच्या कुटुंबाला नाहक त्रास दिला जात आहे. आमची स्वतःची जमीन असून, देखील आम्हाला हा त्रास सहन करावा लागत आहे. मला व माझ्या कुटुंबाला शासन दरबारी न्याय मिळत नाही. काही कारण काढून गावातील गावगुंड हे सतत मारहाण करत आहेत. त्यांच्या या जाचाला कंटाळून गावामध्ये येऊन मारहाण करीत आहेत. परवा तर मला चांगलेच मारले. त्यामुळे हाताला मार लागल्याने काहीही काम करता येत नाही. आमचे कुटुंब पूर्णपणे हे गावगुंडांच्या दहशती खाली आले. त्यामुळे मी व माझे कुटुंब जागतिक महिला दिनी जिल्हाधिकारी कार्यालयसमोर आत्मदहन करणार आहे, असा इशारा देण्यात आला.
