सोमवार, 19 ऑक्टोबर 2026
केंद्रीय गृहमंत्री अमित शाह (फोटो - ट्विटर)
झारखंड मुक्ती मोर्चा पक्षाचे नेते आणि झारखंडचे माजी मुख्यमंत्री चंपाई सोरेन हे लवकरच भाजपमध्ये प्रवेश करणार आहेत. त्यामुळे आणखी एक मुख्यमंत्री भाजपच्या गटात सामील होणार आहेत. माजी मुख्यमंत्री चंपाई सोरेन हे भाजपमध्ये प्रवेश करणार आहेत. चंपाई सोरेन हे झारखंडावरून दिल्लीत दाखल झाले आहेत. काही दिवसांपूर्वी चंपाई सोरेन यांनी दिल्लीत गृहमंत्री अमित शाह यांच्या भेट घेतली होती. यावेळेस आसामचे मुख्यमंत्री हेमंत बिस्वा सरमा हे देखील उपस्थित होते.
आसामचे मुख्यमंत्री आणि झारखंड निवडणूक सह प्रभारी हेमंत बिस्वा सरमा यांनी ट्विट करत याबद्दल माहिती दिली आहे. झारखंडचे माजी मुख्यमंत्री चंपाई सोरेन हे ३० ऑगस्ट रोजी भाजपमध्ये प्रवेश करणार आहेत. काही महिन्यांपूर्वीच महाराष्ट्राचे माजी मुख्यमंत्री अशोक चव्हाण यांनी भाजपमध्ये प्रवेश केला आहे. भाजपने त्यांना राज्यसभेवर खासदारकी दिली आहे. चंपाई सोरेन यांच्या प्रवेशामुळे आणखी एक मुख्यमंत्री भाजपने आपल्या गळाला लावल्याचे बोलले जात आहे.
झारखंडचे तेव्हाचे आणि आताचे मुख्यमंत्री हेमंत सोरेन हे मनी लॉन्डरिंग प्रकरणात तुरुंगात होते. त्यावेळेस चंपाई सोरेन हे झारखंडचे मुख्यमंत्री बनले होते. मात्र हेमंत सोरेन तुरुंगातून सुटल्यानंतर त्यांनी पुन्हा मुख्यमंत्रीपदाची शपथ घेतली. मुख्यमंत्रीपदाचा राजीनामा द्यावा लागल्याने चंपाई सोरेन नाराज झाले होते. त्यामुळेच त्यांनी भाजपमध्ये जाण्याचा निर्णय घेतला असल्याची चर्चा आहे.
Former Chief Minister of Jharkhand and a distinguished Adivasi leader of our country, @ChampaiSoren Ji met Hon’ble Union Home Minister @AmitShah Ji a short while ago. He will officially join the @BJP4India on 30th August in Ranchi. pic.twitter.com/OOAhpgrvmu — Himanta Biswa Sarma (@himantabiswa) August 26, 2024
आसामचे मुख्यमंत्री हेमंत बिस्वा सरमा यांनी चंपाई सोरेन यांच्या भाजप प्रवेशाबद्दल एक्स वर पोस्ट करत माहिती दिली आहे. त्यामुळे सोरेन यांचा पक्ष प्रवेश निश्चित मानला जात आहे. तसेच रांचीमध्ये चंपाई सोरेन हे भाजपमध्ये प्रवेश करणार आहेत. दरम्यान चंपाई सोरेन यांची हेरगिरी केली जात असल्याचा आरोप हेमंत बिस्वा सरमा यांनी केला होता.
दरम्यान २५ ऑगस्ट रोजी सोरेन यांनी दिल्लीत अमित शाह यांची भेट घेतली होती. त्यानंतर सोरेन यांना झेड प्लस सुरक्षा प्रदान करण्यात आली आहे. झारखांमध्ये पोहोचताच त्यांना झेड प्लस सुरक्षा मिळणार नाही. चंपाई सोरेन हे झारखंड मुक्ती मोर्चाचे ज्येष्ठ नेते आहेत. झारखंडच्या कोल्हान भागात त्यांचे वर्चस्व आहे. कोल्हानच्या १४ विधानसभा जागांवर चंपाई सोरेन यांची चांगली पकड आहे. सोरेन भाजपमध्ये आल्याने भाजप या १४ जागांवर आपली पकड मजबूत करू शकणार आहे.
