सावधान! ‘हा’ व्हायरस लहान मुलांसाठी ठरतोय जीवघेणा, जाणून घ्या लक्षणे आणि उपचार

गुजरात राजस्थानमध्ये सध्या चांदीपुरा हा विषाणू पसल्याने नागरिकांमध्ये भीतीचे वातावरण निर्माण झाले आहे. हा विषाणू प्रामुख्याने लहान मुलांना प्रभावित करत आहे. तसेच या विषाणूची गंभीर लक्षणे दिसून आली आहेत.चांदीपुरा या विषाणूने गुजरातमधील अरवली आणि साबरकांठा जिल्ह्यांना मोठ्या प्रभावित केले आहे.

जगभरात पसरलेल्या कोरोना विषाणूमुळे अनेक लोकांना आपला जीव गमवावा लागला. जगभरात कोरोनाने हाहाकार माजवला होता. या विषाणूनंतर अनेक वेगवेगळे विषाणू राज्याच्या विविध भागांमध्ये पसरत आहेत. गुजरात राजस्थानमध्ये सध्या चांदीपुरा हा विषाणू पसल्याने नागरिकांमध्ये भीतीचे वातावरण निर्माण झाले आहे. हा विषाणू प्रामुख्याने लहान मुलांना प्रभावित करत आहे. तसेच या विषाणूची गंभीर लक्षणे दिसून आली आहेत.चांदीपुरा या विषाणूने गुजरातमधील अरवली आणि साबरकांठा जिल्ह्यांना मोठ्या प्रभावित केले आहे. तसेच तिथे असलेल्या सहा बालकांचा चांदीपुरा या विषाणूमुळे मृत्यू झाल्याचा संशय व्यक्त करण्यात आला आहे.

प्रसारमाध्यमांशी बोलताना गुजरातचे आरोग्य मंत्री हृषिकेश पटेल म्हणाले, राज्यात चांदीपुरा विषाणूचा प्रभाव झाल्याने सहा बालकांचा या विषाणूमुळे मृत्यू झाल्याचा संशय व्यक्त करण्यात आला आहे. नमुन्याच्या तपासणीचा निकाल आल्यानंतरच नेमका कशामुळे मृत्यू झाला या मागचे कारण समजू शकेल. चांदीपुरा व्हायरल एन्सेफलायटिस या विषाणूंमुळे घाबरून जाण्याचे कोणतेही कारण नाही. पण सावधगिरी बाळगणे फार गरजेचे आहे. गुजरात आणि राजस्थानमध्ये पसलेल्या विषाणूमुळे नागरिकांमध्ये भीतीचे वातावरण निर्माण झाले आहे.

चांदीपुरा आजाराची लक्षणे:

• सतत ताप येणे
• खोकला येणे
• उलट्या
• जुलाब
• डोकेदुखी
• मेंदूला सूज येणे

चांदीपुरा आजाराचा धोका कोणाला?

गुजरात राजस्थानमध्ये पसरलेल्या चांदीपुरा आजाराचा धोका 9 महिने ते 14 वर्ष वयोगटातील सर्व मुलांना असल्याचे सांगण्यात आले आहे.

चांदीपुरा विषाणूपासून रक्षण कसे करायचे:

• चांदीपुरा आजारापासून स्वतःच्या शरीराचे रक्षण करण्यासाठी डास आजारांपासून दूर राहणे फार आवश्यक आहे.
• नियमित संपूर्ण शरीर झाकणारे कपडे घालावे.
• सँडफ्लाय प्रजनन स्थळे नष्ट करावीत.
• लहान मुलांचे योग्य वेळी लसीकरण करून त्यांच्या शारीरिक आरोग्याकडे लक्ष द्यावे.

चांदीपुरा विषाणू कसा पसरतो:

चांदीपुरा हा गंभीर विषाणू असून गुजरात आणि राजस्थानच्या आसपासच्या जिल्ह्यांमध्ये पसरला आहे. आत्तापर्यंत या आजारामुळे ६ बालकांचा मृत्यू झाल्याचा संशय व्यक्त करण्यात आला आहे. चांदीपुरा हा विषाणू वेसिक्युलो व्हायरस यांच्या कुटुंबातील आहे. हा डास सँडफ्लायच्या चावण्यामुळे सगळीकडे पसरतो. सँडफ्लाय ही माशी प्रामुख्याने ग्रामीण भागांमध्ये आढळून येते.