Chocolate Day 2025: गोड दिवशी घरी बनवा सर्वांच्या आवडीचा चॉकलेट केक, मायक्रोवेव्हचीही गरज नाही

दरवर्षी 9 फेब्रुवारीला चॉकलेट डे साजरा केला जातो. हा गोड दिवसाची मजा वाढवण्यासाठी आणि आपल्या जोडीदाराला खुश करण्यासाठी तुम्ही घरीच टेस्टी केक तयार करू शकता. चॉकलेट केकची सोपी रेसिपी नोट करा.

फेब्रुवारी महिन्यात येणाऱ्या व्हॅलंटाइन्स वीकला आता सुरवात झाली आहे. या प्रेमाच्या आठवड्यात जोडपे आपल्या प्रिय व्यक्तीला खुश करण्यासाठी अनेक नवनवीन गोष्टी करू पाहतात. याच्या विकच्या तिसऱ्या दिवशी म्हणजेच 9 फेब्रुवारीला चॉकलेट डेला साजरा केला जाणार आहे. या खास दिवशी लोक आपल्या प्रिय व्यक्तीला गोड चॉकलेट देऊन आपल्या मनातील भावना व्यक्त करतात किंवा त्यांना खुश करण्याचा प्रयत्न करतात. प्रेमातील गोडवा वाढवण्यासाठी हा दिवस साजरा केला जातो.

चॉकलेटशिवाय त्याची कल्पना केली जाऊ शकत नाही. चॉकलेट डे 2025 खास बनवण्यासाठी, तुम्हाला हवे असल्यास, तुम्ही घरच्या घरी एक अप्रतिम चॉकलेट केक तयार करू शकता. जर तुमच्याकडे मायक्रोवेव्ह नसेल तरीदेखील काहीही हरकत नाही! आम्ही आम्ही तुम्हाला मायक्रोवेव्हशिवाय घरीच अगदी झटपट आणि सोप्या पद्धतीने चॉकलेट केक कसा तयार करायचा याची एक सोपी रेसिपी सांगत आहोत. ही रेसिपी तुमच्या जोडीदाराला नक्कीच खुश करेल आणि तुमचे नाते अधिक घट्ट करण्यास मदत करेल. चला जाणून घेऊया यासाठी लागणारे साहित्य आणि कृती.

Chocolate Day 2025: कधीपासून हा दिवस साजरा केला जाऊ लागला? चॉकलेट डेचा गोड इतिहास जाणून घ्या

साहित्य

• 1/2 कप मैदा
• 1/2 कप साखर
• 3/4 कप कोको पावडर
• 1/2 टीस्पून बेकिंग पावडर
• 1/2 टीस्पून बेकिंग सोडा
• 1 टीस्पून मीठ
• 1 कप दूध
• 1/2 कप तेल
• 2 अंडी
• 2 चमचे व्हॅनिला इसेन्स
• 1 कप गरम पाणी

चॉकलेट फ्रॉस्टिंगसाठीचे साहित्य

• 1/2 कोको पावडर
• 1/2 कप गरम पाणी
• 1/4 कप तेल
• 1 टीस्पून व्हॅनिला इसेन्स
• 1 कप पिठीसाखर

घरच्या घरी बनवा रेस्टॉरंट स्टाईल Chili Potatoes, विकेंडसाठी परफेक्ट रेसिपी

कृती

• चॉकलेट केक बनवण्यासाठी सर्वप्रथम ओव्हन 180 डिग्री सेल्सिअसवर प्रीहीट करून घ्या
• यानंतर एक 9×13-इंच बेकिंग पॅन ग्रीस करून यावर मैदा शिंपडा
• आता एका मोठ्या भांड्यात मैदा, साखर, कोको पावडर, बेकिंग पावडर, बेकिंग सोडा आणि मीठ एकत्र करा
• एका मध्यम आकाराच्या वाडग्यात दूध, तेल, अंडी आणि व्हॅनिला अर्क मिसळा
• कोरड्या साहित्याला ओल्या साहित्यात घाला आणि चांगले मिसळा
• यानंतर यात गरम पाणी घाला आणि चांगले मिसळून केकचे मिश्रण तयार करा
• तयार केकचे बॅटर केक ट्रेमध्ये ओता आणि 30-35 मिनिटे बेक करा
• यानंतर केकच्या टूथपिक मध्यभागी घालून तो शिजला की नाही याची खात्री करून घ्या
• केक पूर्णपणे थंड झाल्यानंतर ट्रेमधून बाहेर काढा
• तुमच्याकडे ओव्हन नसल्यास तुम्ही हा केक कुकरमध्येही बेक करू शकता

अशाप्रकारे बनवा चॉकलेट फ्रॉस्टिंग

• एका मध्यम आकाराच्या वाडग्यात कोको पावडर आणि उकळते पाणी एकत्र करा
• तेल आणि व्हॅनिला इसेन्स घाला
• पिठीसाखर घाला आणि गुळगुळीत होईपर्यंत फेटून घ्या
• तुमची फ्रॉस्टिंग तयार होईल
• तयार फ्रॉस्टिंगसह केकला हवे तसे सजवा