Diwali 2024: यंदा दिवाळीला मार्केटसारखे बुंदीचे लाडू घरीच तयार करा, जाणून घ्या परफेक्ट रेसिपी

तुम्ही अनेकदा बाजारातील स्वादिष्ट बुंदीचे लाडू खाल्ले असतील. मात्र तुम्हाला माहिती आहे का? हे बुंदीचे लाडू तुम्ही घरीदेखील तयार करू शकता. दिवाळीच्या मुहूर्तावर लाडवांची ही चविष्ट ही रेसिपी एकदा जरूर ट्राय करा.

Follow Us:

Follow Us:

दिवाळीचा सण आता अवघ्या काही दिवसांवर येऊन ठेपला आहे. यंदा 28 ऑक्टोबरपासून दिवाळीच्या सणाला सुरुवात होणार आहे. यानिमित्त आता सगळीकडे दिवाळीची तयारी सुरु झाली आहे. मार्केट सजले आहे, घरातील साफसफाई आणि या तयारीत मुख्य स्थानी येणारी गोष्ट म्हणजे दिवाळीचा फराळ! नाव ऐकूनच मन प्रसन्न होते. अनेकजण तर या चविष्ट फराळासाठीच दिवाळीची आतुरतेने वाट पाहत असतात .

दिवाळीच्या फराळात प्रामुख्याने अनेक पदार्थांचा समावेश होत असतो. प्रत्येकाच्या घरी आपापल्या आवडीनुसार फराळातील पदार्थ निश्चित केले जातात आणि बनवले जातात. आज आम्ही तुमच्यासोबत याच फराळातील एका चविष्ट आणि लोकप्रिय पदार्थाची रेसिपी शेअर करत आहोत. या पदार्थाचे नाव आहे बुंदीचे लाडू. तुम्ही हे लाडू अनेकदा दुकानातून खरेदी करून यांचा आस्वाद घेतला असेल मात्र तुम्हाला माहिती आहे का? तुम्ही घरीदेखील अगदी उत्तम असे बुंदीचे लाडू तयार करू शकता. यासाठी आवश्यक असणारे साहित्य आणि कृती जाणून घ्या.

हेदेखील वाचा – Diwali 2024: यंदाच्या दिवाळीला बनवा जाळीदार-मऊसूत अनारसे, नोट करा पारंपरिक रेसिपी

साहित्य

• 500 ग्रॅम बेसन
• 1 लिटर पाणी किंवा दूध
• 750 ग्रॅम तूप
• 3-2 कप पाणी
• केसरी रंग
• 10-12 केसरचे तुकडे (पाण्यात भिजवलेले)
• 50 ग्रॅम काजूचे तुकडे
• 50 ग्रॅम मनुका
• 10 वेलची
• बुंदी काढण्यासाठी झारा

हेदेखील वाचा – सकाळच्या नाश्त्याला नक्की ट्राय करा तांदळाचे थालीपीठ, झटपट तयार होते रेसिपी

कृती

• चविष्ट असे बुंदीचे लाडू तयार करण्यासाठी सर्वप्रथम एका वाडग्यात बेसन पीठ घ्या आणि यात पाणी टाकून याची एक पेस्ट तयार करा
• यानंतर गॅसवर एक कढई ठेवून यात तूप टाकून गरम करण्यासाठी ठेवा
• तुपाच्या वरती झारा ठेवून तयार बेसनाचे मिश्रण यातून गाळून घ्या
• असे केल्याने तुपात बुंदी पडेल, जी तुम्ही माध्यम आचेवर छान तळून घ्या
• बुंदीचा रंग हलका तपकिरी झाला की मग तयार बुंदी एका प्लेटमध्ये काढून घ्या
• यानंतर पुन्हा गॅसवर एक भांडे ठेवून यात पाणी आणि साखर टाकून याचा पाक तयार करा
• तयार पाकात केशरी रंग टाकून ढवळून घ्या
• आता तयार पाकामध्ये तयार बुंदी, वेलची पूड आणि ड्रायफ्रूट्स टाकून व्यवस्थित मिसळा आणि गॅस बंद करा
• आता हाताला हलके तूप लावून तयार मिश्रणाचे लाडू वळून घ्या
• तयार लाडू खाण्यासाठी सर्व्ह करा

Web Title: Diwali 2024 make market style bundi ladoo at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com