Healthy Recipe: दिवसभर दिसाल उत्साही! मोड आलेल्या कडधान्यापासून बनवा ‘हा’ स्वादिष्ट पदार्थ

सकाळचा नाश्ता दिवसभराच्या कामासाठी फार गरजेचा असतो. तुम्हीही सकाळच्या नाश्त्यासाठी एक पौष्टिक रेसिपीच्या शोधात असाल तर आजची ही रेसिपी तुमच्यासाठी फायद्याची ठरणार आहे. मोड आलेल्या कडधान्यापासून तयार केला जाणारा हा पदार्थ चवीबरोबरच आरोग्यसाठीही फायद्याचा ठरतो.

पावसाळा म्हटलं की चटपटीत आणि तळणीचे पदार्थ आलेच. या ऋतूत लोक अनहेल्दी फूडकडे अधिक आकर्षित होतात. यामुळे पौष्टिक पदार्थांकडे दुर्लक्ष केले जाते. सतत अनहेल्दी पदार्थांचे सेवन केल्याने आरोग्याच्या अनेक समस्या उद्भवू शकतात. सकाळचा नाश्ता हा नेहमी हेल्दी आणि करण्याचा सल्ला दिला जातो. यामुळे शरीरातील एनर्जी वाढून मन दिवसभर उत्साही राहते आणि कामात लक्ष लागून राहते.

आज आम्ही तुमच्यासाठी सकाळच्या नाश्त्यासाठीची एक नवीन हटके रेसिपी घेऊन आलो आहोत. ही रेसिपी चवीबरोबरच आरोग्यासाठीही फायद्याची ठरेल. आज आपण मोड आलेल्या कडधान्यापासून एक चविष्ट असा पराठा तयार करणार आहोत. हा पराठा चवीला अप्रतिम लागतो आणि याने दिवसभर पोट भरलेले राहते. जाणून घ्या यासाठी लागणारे साहित्य आणि कृती.

साहित्य

• मोड आलेले मूग – 1 कप (उकडलेले)
• गव्हाचे पीठ – 2 वाट्या
• हिरव्या मिरच्या – 2-3 (बारीक चिरून)
• आले – 2 इंच तुकडा (किसलेले)
• लसूण- 2-3 पाकळ्या (बारीक चिरून)
• कोथिंबीर पाने – 2 चमचे (बारीक चिरून)
• मीठ – चवीनुसार
• तेल किंवा तूप – पराठा तळण्यासाठी

हेदेखील वाचा – lndependence Day 2024: यावर्षीचा स्वातंत्र्यदिन हटक्या पद्धतीने साजरा करा, घरी बनवा तिरंगा बर्फी

कृती

• कडधान्याचा पराठा तयार करण्यासाठी सर्वप्रथम मूग मऊ होण्यासाठी त्यांना उकडवून घ्या
• मूग उकडवून घेतल्यानंतर मिक्सरमध्ये त्यांना बारीक वाटून घ्या
• यानंतर एका भांड्यात गव्हाचे पीठ घ्या आणि यात मुगाची तयार पेस्ट, हिरवी मिरची, आले, लसूण, कोथिंबीर आणि मीठ टाकून सर्व
• साहित्य नीट एकजीव करून घ्या
• आवश्यकतेनुसार अपनी घालून याचे कणिक मळून घ्या
• आता तयार पिठाचे गोळे तयार करा
• या गोळ्यांनी आपले पराठे लाटून घ्या
• दुसरीकडे गॅसवर तवा तापत ठेवा
• तवा तापला की तयार पराठे दोन्ही बाजूंनी खरपूस भाजून घ्या
• भाजताना पराठ्यांना घी किंवा तेल लावा
• अशाप्रकारे तुमचे गरमागरम स्प्राऊट्स पराठे तयार होतील
• दही किंवा लोणच्यासोबत हे पराठे खाण्यासाठी सर्व्ह करा