lndependence Day 2024: यावर्षीचा स्वातंत्र्यदिन हटक्या पद्धतीने साजरा करा, घरी बनवा तिरंगा बर्फी

भारताचा स्वातंत्र्यदिन अवघ्या काही दिवसांवर आला आहे. यावर्षी भारत आपला 78 वा स्वातंत्र्यदिन साजरा करणार आहे. हा दिवस आणखीन खास करा आणि घरी बनवा तिरंगा बर्फी. ही बर्फी तुम्ही स्वातंत्र्यदिनानिमित्त आपल्या प्रियजनांना भेट करू शकता.

Follow Us:

Follow Us:

भारताचा स्वातंत्र्यदिन अवघ्या काही दिवसांवर येऊन ठेपला आहे. दरवर्षीप्रमाणे यावर्षीही भारत आपला 78 वा स्वातंत्र्यदिन 15 ऑगस्टला साजरा करणार आहे. ब्रिटिशांच्या गुलामीतून स्वतःची सुटका करत भारताने फार कठीण त्यागानंतर हे स्वातंत्र्य मिळवले. त्यामुळेच हा दिवस आपण मोठ्या थाटामाटात साजरा करतो आणि मोठ्या शानाने आपला तिरंगा यादिवशी मिरवला जातो.

आम्ही तुम्हाला सांगतो की, यावर्षीचा स्वातंत्र्यदिन तुम्ही आणखीन खास बनवू शकता. आज आम्ही तुमच्यासाठी स्वातंत्र्यदिनानिमित्त एक खास आणि हटके रेसिपी घेऊन आलो आहोत. या रेसिपीचे नाव आहे तिरंगा बर्फी. भारतीय धवजाच्या रंगाने समृद्ध ही बर्फी तुम्ही स्वातंत्र्यदिन आपल्या प्रियजनांना देऊन स्वातंत्र्यदिनाच्या शुभेच्छा देऊ शकता. हा हटके प्रकल्प नक्कीच सर्वांना आवडेल. चला तर मग जाणून घेऊयात यासाठी लागणारे साहित्य आणि कृती.

हेदेखील वाचा –पावसाच्या थंड वातावरणात नाश्त्याला बनवा गरमा गरम मिक्स डाळीचे कटलेट! जाणून घ्या रेसिपी 

साहित्य

• सुक्या खोबऱ्याची पावडर
• देशी तूप
• बारीक केलेले बदाम
• बारीक केलेले काज
• बारीक केलेले बेदाणे
• दूध
• छोटी वेलची पावडर
• पिठीसाखर
• केशरी आणि हिरवा रंग

कृती

• तिरंगा बर्फी बनवण्यासाठी सर्वप्रथम एका भांड्यात नारळाची पावडर घ्या
• यानंतर त्यात पिठीसाखर, वेलची पावडर आणि दूध टाका आणि मिक्स करा
• आता हे मिश्रण छान कणकेप्रमाणे मळून घ्या
• यानंतर या तयार मिश्रणाचे तीन सामान भाग करून घ्या
• यातील एक भाग पांढरा राहील, म्हणजेच यात कोणताही कलर जाणार नाही
• दुसऱ्या भागात हिरवा आणि तिसऱ्या भागात केशरी रंग मिक्स करून नीट मळून घ्या
• आता सर्व प्रथम एका मोठ्या थाळीत नारळ पावडर शिंपडा
• यानंतर सर्व प्रथम हिरव्या पिठाचा थर या थाळीत पसरवा
• हिरव्या रंगाच्या वर हिरवा आणि हिरव्या रंगाच्या वर केशरी रंग पसरवा
• आता तयार केलेल्या बर्फीचे थर 3-4 तास सेट होण्यासाठी फ्रिजमध्ये ठेवून द्या
• बर्फी सेट झाल्यानंतर चाकूच्या मदतीने तिचे काप करून घ्या
• अशाप्रकारे तुमची तिरंगा बर्फी तयार होईल

Web Title: Make tiranga barfi and celebrate independence day 2024

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com