विना वाफवता, विना तळता अशाप्रकारे बनवा कुरकुरीत कोथिंबीर वडी

तुम्हाला माहित आहे का? आता तुम्ही न वाफवता आणि न तळता कुरकुरीत कोथिंबीर वडी तयार करू शकता. याची एक हटके रेसिपी सध्या सोशल मीडियावर शेअर करण्यात आली आहे. वाचा आणि जाणून घ्या.

कोथिंबीर वडी हा महाराष्ट्राचा लोकप्रिय पदार्थ. कोथिंबीर प्रत्येक जेवणाची चव वाढवण्यासाठी भाजीत वापरली जाते. याच कोथिंबीरपासून बनवली जाणारी वडी चवीलाही फार छान आणि रुचकर लागते. याचे नुसते नाव जरी घेतले तरी अनेकांच्या तोंडाला पाणी सुटते. ही कोथिंबीर वडी विशेषतः उकडून आणि नंतर फ्राय करून खाण्यासाठी सर्व्ह केली जाते. हिची कुरकुरीत चव अनेकांना फार आवडते. आज आम्ही तुम्हाला न वाफवता आणि न तळता कोथिंबीर वादी कशी बनवायची याची एक सोपी रेसिपी सांगत आहोत. आजची ही कोथिंबीर वडीची रेसिपी थोडी हटके स्टाइलमध्ये असणार आहे. याची चव बाहेरून कुरकुरीत आणि आतून मऊ अशी असेल. तुमची कोथींबीर वडी परफेक्ट बनत नसेल तर आजची ही रेसिपी नक्की फॉलो करा.

साहित्य

• एक कप बेसन (100 ग्रॅम)
• 1/4 कप दही
• 1 , 1/2 कप पाणी
• मीठ आणि 1/4 चमचा हळद
• एक चमचा तेल
• 1/4 चमचा हिंग
• एक चमचा तीळ
• आलं
• हिरवी मिरची
• लसूण पेस्ट
• 1 कप चिरलेली कोथिंबीर

कृती

• कुरकुरीत आणि मऊ कोथिंबीर वडी तयार करण्यासाठी सर्वप्रथम एका भांड्यात एक वाटी बेसन घ्या
• यांनतर यात मीठ, हळद, पाणी, दही घाला आणि मिक्स करा
• नंतर गॅसवर एक पॅन ठेवा आणि यात तेल टाका
• मग यात हिंग, तीळ, आलं, लसूण पेस्ट, हिरवी मिरची आणि तयार केलेलं बेसनाचं मिश्रण टाका आणि नीट एकजीव करा
• गुठळ्या होऊ नये आणि मिश्रण चिकटू नये यासाठी सतत याला ढवळत रहा
• यानंतर यात चिरलेली कोथिंबीर घाला आणि सर्वकाही व्यवस्थित मिक्स करा
• आता हे गरम असतानाच एका स्टीलच्या प्लेटमध्ये काढून नीट पसरवून घ्या
• नंतर थंड झाल्यावर याचे काप करा
• तयार काप पॅनवर तेल टाकून खमंग भाजून घ्या
• अशाप्रकारे हटके स्टाइलमध्ये तुमच्या कोथिंबीर वड्या तयार होतील

See more

ही रेसिपी @nehadeepakshah या इंस्टाग्राम अकाउंटवरून शेअर करण्यात आली आहे. ही रेसिपी तुमचे वजन कमी करण्यात मदत करेल, असे या व्हिडिओच्या कॅप्शनमध्ये लिहिण्यात आले आहे.