Ice Cream Sandwich: हटके रेसिपीने ‘आईस्क्रीम डे’ बनवा खास, नोट करा साहित्य आणि कृती

आईस्क्रीम कोणाला आवडत नाही. जेवल्यानंतर डेजर्ट म्हणून अधिकतर आईस्क्रीमची निवड केली जाते. आज आम्ही तुम्हाला एक हटके रेसिपी सांगत आहोत. कुरकुरीत क्रिमी आईस्क्रीम खायला आवडत असेल तर आजची ही रेसिपी नक्की वाचा. (फोटो सौजन्य: istock)

आजचा दिवस खास आहे, कारण आज आहे जागतिक आईस्क्रीम दिवस. आईस्क्रीम हा एक असा पदार्थ आहे जो लहानांपासून मोठ्यांपर्यंत सर्वांनाच खायला फार आवडतो. सध्या आईस्क्रीमचे अनेक निरनिराळे प्रकार आले आहेत यापैकीच एक आहे आईस्क्रीम सँडविच. यात कुरकुरीत बिस्किटांच्याआत क्रिमी आइस्क्रीमची फिलिंग भरली जाते. हा पदार्थ चवीला फार अप्रतिम लागतो. या सँडविचमध्ये आइस्क्रीम व्यतिरिक्त ब्राउनीज, फळे, नट्स, केक अशा इतर अनेक गोष्टी वापरल्या जातात.

आजचा आईस्क्रीम डे जरा खास बनवा आणि आजची ही हटके रेसिपी घरात नक्की ट्राय करा. आपल्या प्रियजनांना आईस्क्रीम दिवसाचे अनोखे गिफ्ट याहून वेगळे काय असून शकते… आईस्क्रीमचा हा भन्नाट पदार्थ बनवा आणि आपल्या प्रियजनांना खाऊ घाला. यासाठी लागणारे साहित्य आणि कृती नोट करा आणि कामाला लागा.

हेदेखील वाचा – Ice Cream Day Special: फ्रिजशिवाय आईस्क्रीम कशी बनवावी? जाणून घ्या योग्य पद्धत

साहित्य

• आईस्क्रीम
• व्हॅनिला इसेंस
• अंडी
• मीठ
• बेकिंग पावडर
• कोको पावडर
• साखर
• मैदा

कृती

• आईस्क्रीम सँडविच बनवण्यासाठी सर्वप्रथम एका भांड्यात वितळलेले लोणी आणि साखर घेऊन नीट फेटून घ्या
• लोणी आणि साखर नीट फेटल्यानंतर यात अंडी आणि व्हॅनिला इसेन्स घाला आणि मिक्स करा
• आता या भांड्यावर एक चाळणी ठेवा आणि त्यात मैदा, कोको पावडर, मीठ आणि बेकिंग पावडर चाळून घ्या
• सर्व साहित्य नीट मिक्स करा आणि याचे एक बॅटर तयार करा
• आता हे बटर एका बेकिंग ट्रेमध्ये टाका आणि बेक करा
• बेक करताना तुमचा ओव्हन 180 अंशावर ठेवून याला 25 ते 30 मिनिटे बेक करा
• बेक झाल्यानंतर बेकिंग ट्रे बाहेर काढा आणि थंड करून घ्या
• मग बेकिंग ट्रे मधून बाहेर काढून याचे दोन भाग करा
• याच्या एका भागावर आईस्क्रीम लावा आणि मग दुसरा भाग यावर ठेवा
• अशाप्रकारे तुमचे आईस्क्रीम सँडविच तयार होईल
• आपल्या प्रियजनांसोबत याला खाण्यासाठी सर्व्ह करा