Recipe: अंड्याचा पराठा कधी खाल्ला आहे का? एकदा जरूर करा ट्राय

तुम्ही नाश्त्याला आजवर अंड्याचा ऑम्लेट किंवा भुर्जी बऱ्याचदा खाल्ली असेल मात्र तुम्ही कधी अंड्याचा पराठा खाल्ला आहे का? हा पराठा फार कमी वेळेत बनतो आणि चवीलाही फार अप्रतिम लागतो. नाश्त्यासाठी ही एक परफेक्ट रेसिपी ठरेल.

Follow Us:

Follow Us:

सकाळचा नाश्ता हा नेहमी हेल्दी करण्याचा सल्ला दिला जातो. नाश्ता आपल्या दिवसभर ऍक्टिव्ह राहण्यासाठी ऊर्जा प्रदान करत असतो. आता नाश्ता तर तुम्ही अनेक वेगवेगळ्या पदार्थांचा केला असेल. आपल्याकडे नाश्त्याला अधिकतर काही निवडक पदार्थाचं खाल्ले जातात. हे निवडक पदार्थ म्हणजे, पोहा, उपमा, डोसा, इडली इ. मात्र तुम्हीही जर हे बोरिंग नाश्त्याचे पदार्थ खाऊन कंटाळला असाल तर आम्ही तुमच्यासाठी एक हटके रेसिपी घेऊन आलो आहोत. या रेसिपीने तुम्ही तुमच्या सकाळची सुरुवात आणखीन बहारदार करू शकता.

नाश्त्याला तुम्ही अंड्याचा ऑम्लेट किंवा भुर्जी नाक्कीच कधी ना कधी खाल्ली असेल मात्र तुम्ही कधी अंड्याचा पराठा खाल्ला आहे का? हा अंड्याचा पराठा चवीला फार अप्रतिम लागतो. तसेच फार कमी वेळेत हा बनून तयार होतो. त्यामुळे सकाळच्या घाईगडबडीच्या वेळी नाश्त्यासाठी तुम्ही हा पदार्थ नक्कीच ट्राय करू शकता. अंडा आपल्या आरोग्यासाठी फार फायदेशीर ठरत असतो. यात अनेक असे पोषक घटक जे आपल्या आरोग्याला फायदे मिळवून देतात. हेल्दी आणि टेस्टी रेसिपीच्या शोधात असाल तर तुमच्यासाठी ही एक परफेक्ट रेसिपी आहे. चला तर मग अंडा पराठा बनवण्यासाठी लागणारे साहित्य आणि कृती जाणून घेऊयात.

रेसिपीच्या बातम्या वाचण्यासाठी इथे क्लिक करा

साहित्य

• 5-6 अंडी
• 3 वाटी गव्हाचे पीठ
• 2 बारीक चिरलेला कांदा
• 2 बारीक चिरलेले टोमॅटो
• 2 चमचे लाल तिखट
• 5-6 चिरलेल्या हिरव्या मिरच्या
• मीठ चवीनुसार
• तेल आवश्यकतेनुसार

रेसिपीच्या बातम्या वाचण्यासाठी इथे क्लिक करा

कृती

• अंड्याचा पराठा बनवण्यसाठी सर्वप्रथम एका वाडग्यात अंडी फोडून व्यवस्थित फेटून घ्या
• यानंतर या फेटलेल्या अंड्यात, कांदा, टोमॅटो, मिरची, लाल तिखट आणि चवीनूसार मीठ घाला
• सर्व साहित्य नीट मिसळून फेटून घ्या
• यानंतर दुसरीकडे गव्हाचे पीठ घ्या
• यात चिमूटभर मीठ आणि थोडे थोडे पाणी घालून कणिक मळून घ्या
• यानंतर गॅसवर तवा ठेवा
• तवा तापला की गव्हाच्या पिठाचा गोळा तयार करून चपाती लाटा आणि भाजायला तव्यावर टाकून द्या
• आता ही चपाती दोन्ही बाजूंनी छान भाजून घ्या
• यानंतर यावर अंड्याचे मिश्रण टाकून पसरवा
• आता हलके हलके तेल टाकून दोन्ही बाजूंनी हा पराठा छान भाजून घ्या
• तुमचा गरमा गरम अंडा पराठा तयार आहे
• तुम्हाला हवे असल्यास तुम्ही यावर तुमच्या आवडीचे सॉस ॲड करून याचा रोल देखील बनवू शकता

अंड्याचे फायदे:

• अंड्यामध्ये प्रोटीनचा उत्तम साठा असतो जो स्नायू बळकट बनवण्यास आणि शरीर निरोगी राखण्यास मदत करते
• याचे हृदयविकाराचा धोका कमी करण्यास मदत करू शकते
• अंडी खाल्ल्याने तुमची त्वचा अधिक तरूण आणि तुमचे केस मजबूत आणि चमकदार बनण्यास मदत होते

Web Title: Make sure to try the easy recipe of egg paratha

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com