अंड्याची भुर्जी नाही तर यावेळी नाश्त्याला बनवून पहा सोयाबीन भुर्जी, लगेच नोट करा रेसिपी

सोयाबीनची भाजी खायला आवडत नाही मग एकदा तरी याची भुर्जी नक्की ट्राय करा. सोयाबीनला पौष्टिकतेचे पावरहाऊस मानले जाते. याचे सेवन आपल्या आरोग्यासाठी फार फायद्याचे असते ज्यामुळे आहारात याचा आवर्जून समावेश करावा.

Follow Us:

Follow Us:

अंड्याची भुर्जी हा एक असा पदार्थ आहे जो बहुतेक लोकांना खायला फार आवडतो. नाश्त्यासाठी हा एक उत्तम पदार्थ आहे की कारण हा फार लवकर बनून तयार होतो. मात्र शाकाहारी लोकांना ही अंडयांची भुर्जी काही चाखता येत नाही. अशावेळी आम्ही तुमच्यासाठी एक व्हेज भुर्जीची रेसिपी घेऊन आलो आहोत. ही भुर्जी आपण सोयाबीन पासून बनवणार आहोत. याची रेसिपी फार कमी वेळेत बनून तयार होते. सकाळच्या नाश्त्यासाठी एक हटके आणि चविष्ट अशी रेसिपी शोधत असाल तर सोयाबीन भुर्जी तुमच्यासाठी एक उत्तम पर्याय ठरेल. मुख्य म्हणजे, ही भुर्जी अवघ्या काही मिनिटांतच बनून तयार होते. यासाठी फार मेहनतही घ्यावी लागत नाही. तुम्ही अगदी झटपट, काही निवडक साहित्याच्या मदतीने ही भुर्जी तयार करू शकता.

सोयाबीनला शाकाहारी मांस असेही म्हटले जाते. सोयाबीनला पौष्टिकतेचे पावरहाऊस म्हटले जाते. हा प्रथिने आणि जीवनसत्वांचा एक उत्तम स्रोत आहे. आहारात सोयाबीनचा समावेश केल्याने आरोग्याला याचे फार फायदे होऊ शकतात. तुम्हाला सोयाबीनची भाजी खायला आवडत नसेल तर तुम्ही सोयाबीनची भुर्जी एकदा नक्कीच बनवून ट्राय करू शकता. चला तर मग जाणून घेऊयात यासाठी लागणारे साहित्य आणि कृती.

रेसिपीच्या बातम्या वाचण्यासाठी इथे क्लिक करा

साहित्य

• सोया चंक्स
• तेल
• 1 टेबलस्पून जीरं
• चिरलेली लसूण
• हिरवी मिरची
• 1 चिरलेले कांदा
• 1 टेबलस्पून काश्मिरी लाल मिरची
• 1 टेबलस्पून काश्मिरी लाल मिरची
• अर्धा टेबलस्पून धने पावडर
• अर्धा टेबलस्पून हळद पावडर
• अर्धा टेबलस्पून मीठ
• 1 चिरलेला टोमॅटो
• कोथिंबीर

 

View this post on Instagram

 

A post shared by khana_peena_recipe (@khana_peena_recipe)

रेसिपीच्या बातम्या वाचण्यासाठी इथे क्लिक करा

कृती

• सोयाबीनची भुर्जी तयार करण्यासाठी सर्वप्रथम एका भांड्यात पाणी घेऊन यात सोया चंक्स भिजवून ठेवा, जेणेकरून ते मऊ होतील
• सोयाबीन मऊ झाले की मिक्सरमध्ये यांना बारीक करून घ्या
• यानंतर दुसरीकडे गॅसवर एक कढई ठेवा आणि यात तेल टाका
• मग यात एक चमचे जिरे, चिरलेली लसूण, हिरवी मिरची आणि एक चिरलेला कांदा टाका
• सर्व साहित्य नीट परतून शिजवून घ्या
• कांदा नीट शिजला की यात काश्मिरी लाल मिरची, अर्धा टेबलस्पून धने पावडर, अर्धा टेबलस्पून हळद पावडर आणि अर्धा टेबलस्पून मीठ टाका आणि मिक्स करा
• मसाले व्यवस्थित परतून घ्या आणि मग यात चिरलेला टोमॅटो घाला
• आता यात मिक्सरमध्ये बारीक केलेले सोयाबीन घाला आणि व्यवस्थित साहित्यात एकजीव करून घ्या
• काहीवेळ शिजवा आणि गरम मसाला टाका
• मग यावर चिरलेली कोथिंबीर घाला आणि गॅस बंद करा
• तयार सोयाबीन भुर्जी प्लेटमध्ये भाकरी किंवा चपातीसोबत खाण्यासाठी सर्व्ह करा

Web Title: Viral recipe video how to make soyabean bhurji at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com