रोज सकाळी उठल्यानंतर तमालपत्रचे पाणी प्यायल्याने पोटासंबंधित आजारांवर मिळेल आराम

मासिक पाळीच्या वेळी अत्यंत वेदना होत असतील तर तुम्ही तमालपत्राचे पाणी पिऊ शकता.तमालपत्रचे पाणी प्यायल्याने शरीराला नेमके काय फायदे होतात हे जाणून घेऊया.

भारतीय मसाल्यांमध्ये जेवणाची चव आणि सुगंध वाढवण्यासाठी तमालपत्राचा पानाचा वापर केला जातो.तमालपत्र हे एका मसाल्याचा पदार्थ असून जेवण बनवताना वापरला जातो. आरोग्यासाठी याचे अनेक फायदे आहेत. तमालपत्रामध्ये जीवनसत्त्वे, खनिजे, अँटिऑक्सिडंट्स आणि दाहक-विरोधी गुणधर्म असतात ज्यामुळे आरोग्य सुधरण्यासाठी मदत होते. पोटासंबंधित अनेक समस्या बऱ्या करण्यासाठी तमालपत्र उपयुक्त आहे. सकाळी उठल्यानंतर रिकाम्या पोटी तमालपत्राचे पाणी प्यायल्यास शरीराला आरोग्यदायी फायदे होतात. तसेच मधुमेहाचा त्रास असलेल्या रुग्णांसाठी तमालपत्र उपयुक्त आहे. यामुळे रक्तातील साखर नियंत्रित राहून मधुमेहाचा धोका कमी होतो. शिवाय, मासिक पाळीच्या वेळी अत्यंत वेदना होत असतील तर तुम्ही तमालपत्राचे पाणी पिऊ शकता. आज आम्ही तुम्हाला तमालपत्रचे पाणी प्यायल्याने शरीराला नेमके काय फायदे होतात याबद्दल सांगणार आहोत.(फोटो सौजन्य – iStock)

तमालपत्राचे पाणी कसे बनवायचे:

• तमालपत्राचे पाणी बनवण्यासाठी सर्वप्रथम एका टोपात एका ग्लास पाणी घेऊन ते गरम होण्यासाठी ठेवावे.
• पाणी गरम झाल्यानंतर त्यात दोन तमालपत्राची पाने टाकावीत.
• पाण्याला उकळी आल्यानंतर गॅस बंद करून पाणी गाळून घ्या.
• तमालपत्राचे पाणी थंड किंवा गरम असताना तुम्ही हेपिऊ शकता.

[read_also content=”चेहऱ्यावरील काळे डाग घालवण्यासाठी मुलतानी मातीचा फेस पॅक वापरा, त्वचा दिसेल सुंदर https://www.navarashtra.com/lifestyle/use-multani-miti-face-pack-to-get-remove-dark-spots-on-face-541669.html”]

तमालपत्राचे आरोग्यदायी फायदे:

• तमालपत्राचा पाण्यात अँटिऑक्सिडंट्स आणि लघवीचे प्रमाण वाढवणारा पदार्थ असतो.ज्यामुळे किडनी डिटॉक्सिफाय होण्यास मदत होते. तमालपत्राचे पाणी प्यायल्याने मूत्रपिंड नेहमी निरोगी राहते.
• ज्या व्यक्तींना अपचन किंवा ऍसिडिटीचा त्रास असेल अशांनी आठवड्यातून एकदा किंवा दोनदा तमालपत्राचे पाणी प्यावे. यामुळे पोटासंबंधित समस्या दूर होऊन आराम मिळतो.
• मधुमेहाचा त्रास असलेल्या रुग्णांनी तमालपत्राचे पाणी प्यावे. यामुळे रक्तातील साखर नियंत्रणात राहून आरोग्याला फायदा होतो. शरीरातील ग्लुकोजचे प्रमाण संतुलित राहण्यास मदत होते.
• तमालपत्राच्या पानात दाहक विरोधी गुणधर्म असतात ज्यामुळे शरीरावरील सूज कमी होते.
• रोगप्रतिकारशक्ती वाढवण्यासाठी आणि आजारांपासून दूर ठेवण्यासाठी तमालपत्र उपयुक्त आहे. मानसिक तणाव असलेल्या व्यक्तींनी तमालपत्राच्या पानाचे पाणी प्यावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.