काळाकुट्ट झालेला कुकर होईल आरशाप्रमाणे साफ, फक्त हे घरगुती उपाय करून पहा

दैनंदिन वापरामुळे आपल्या स्वयंपाक घरातील कुकर काळा आणि चिकट होत असतो. आज आम्ही तुम्हाला कुकर साफ करण्यासाठी फायदेशीर ठरणाऱ्या काही जालीम उपायांविषयी सविस्तर सांगत आहोत. (फोटो सौजन्य: istock)

प्रेशर कुकर हा स्वयंपाक घरातील इतर भाड्यांपैकी एक महत्त्वाचे साधन आहे. अनेक पदार्थ बनवण्यासाठी या प्रेशर कुकरची मदत आपल्याला होत असते मात्र दररोजच्या वापराने आपल्या घरातील कुकर हळूहळू खराब होऊ लागतो आणि त्यावर कला ठार साचू लागतो. एकदा का आपला हा कुकर खराब झाला की त्याला पुन्हा पूर्वीप्रमाणे करणे फार कठीण होऊन बसते.

एका विशिष्ट काळानंतर आपल्या स्वयंपाक घरातील कुकर काळा आणि घेणेरडा दिसू लागतो. यानंतर कुकरला कितीही साबण लावून वेगवगेळ्या प्रकारे साफ करण्याचा प्रयत्न केला तरी काही केल्या तो पूर्वीप्रमाणे होत नाही. यावरचे काळे डाग इतके कडक चिकटून बसलेले असतात की कितीही प्रयत्न करून ते निघत निघत नाहीत. मात्र काही सोप्या टिप्स फॉलो करून तुम्ही कुकरवरचे काळे चिकट डाग साफ करू शकता. आज आम्ही तुम्हाला घाण झालेला कुकर पूर्वीप्रमाणे चकचकीत साफ करा करावा यासाठीच्या काही सोप्या ट्रिक्स सांगत आहोत. या टिप्सचा वापर करून तुम्ही काही क्षणातच तुमचा कुकर आरशाप्रमाणे चमकवू शकता.

कुकर साफ करण्यासाठी हे घरगुती उपाय करून पहा

हेदेखील वाचा – Monsoon Recipe: पावसाळ्यात बनवा चटपटीत पिझ्झा कॉर्न! नोट करा रेसिपी

सैंधव मीठ

• काळा पडलेला कुकर साफ करण्यासाठी तुम्ही सैंधव मिठाचा वापर करू शकता
• यासाठी कुकरमध्ये सर्वप्रथम 2 ते 3 ग्लास पाणी घाला
• नंतर यात 2 ते 3 चमचे सैंधव किंवा काळे मीठ टाका
• मग मिठाच्या पाण्याने भरलेला हा कुकर गॅसवर काहीवेळ ठेवून, हे पाणी उकळून घ्या
• काहीवेळाने कुकरमधील पाणी फेकून द्या
• यांनतर कुकर साबणाने स्वछ घासून काढा

कांद्याचा रस

• तुम्हाला जर तुमच्या प्रेशर कुकरमध्ये साठलेला चिकट थर घालवायचा असेल तर यासाठी तुम्ही कांद्याचा रसाचा वापर करू शकता
• यासाठी 4 ते 5 चमचे कांद्याचा रस घ्या
• मग यात समान प्रमाणात व्हिनेगर घाला आणि मिक्स करा
• आता या मिश्रणाने कुकर रगडून स्वछ करा
• काही मिनिटांच यावरील चिकट थर आणि डाग दूर होतील

बेकिंग सोडा

• कुकरचा जळलेला आणि घाणेरडा काळा भाग घालवण्यासाठी तुम्ही बेकिंग सोड्याची मदत घेऊ शकता
• यासाठी कुकरच्या पृष्ठभागावर 2 ते 3 चमचे बेकिंग सोड्यासोबत पाण्याचे काही थेंब टाका
• आता स्क्रबने कुकरला हळूहळू घासून घ्या
• असे केल्याने काही मिनिटांतच कुकरावरील घाण निघून तुमचा कुकर साफ होईल