Monsoon Recipe: पावसाळ्यात बनवा चटपटीत पिझ्झा कॉर्न! नोट करा रेसिपी

पावसाळा ऋतू सुरु झाला आहे या ऋतूत मक्याची हटके रेसिपी अजिबात चुकवू नका. मका आणि पावसाळा यांचं कॉम्बिनेशनच वेगळं! आजची ही रेसिपी चवीबरोबरच आरोग्यासाठीही फायदेशीर आहे. (फोटो सौजन्य: istock)

Follow Us:

Follow Us:

पावसाळा ऋतू सुरु झाला आहे. या ऋतूतील सिजनल पदार्थांमध्ये मक्याचा समावेश येतो. मका आणि पावसाळा यांचे एक वेगळेच कॉम्बिनेशन जुळते. पावसाच्या थंड वातावरणात गरमा गरम मका म्हणजे काही औरच. या ऋतूत बाजारात मोठ्या प्रमाणात मके येतात. कमी किमतीत फ्रेश मके तुम्हाला याच सीजनमध्ये मिळू शकतात. पावसाळ्यात आपण मका सहसा भाजून किंवा उकडून खातो मात्र आज आम्ही तुम्हाला मक्याची एक हटके रेसिपी सांगत आहोत.

आजची रेसिपी थोडी खास आहे, ही रेसिपी मुळातच तुम्ही कुठे खाल्ली असावी. मक्यापासून अनेक पदार्थ बनवले जातात मात्र आज आम्ही तुम्हाला अगदी सोपा आणि ट्विस्टेड मक्याचा नवीन चटपटीत पदार्थ सांगत आहोत. आजच्या आपल्या रेसिपीचे नाव आहे पिझ्झा कॉर्न. अशाप्रकारे तुम्ही मका बनवून खाल्ला तर याची चव तुम्ही कधीच विसरू शकणार नाहीत. ही रेसिपी चवीला अप्रतिम तर लागतेच तसेच हिला बनवायला अधिक वेळही लागत नाही. झटपट तयार होणारा हा कुरकुरीत आणि चटपटीत पदार्थ कसा तयार करायचा याची रेसिपी जाणून घ्या.

साहित्य

• 2 कॉर्न
• 1/4 कप कॉर्न फ्लेक्स
• 2 टेबलस्पून पिझ्झा सॉस
• 1 टेबलस्पून मेयोनीज
• 1/2 टीस्पून काळे मीठ
• 1/2टीस्पून काळी मिरी
• 1/2टीस्पून लाल तिखट
• 1 टीस्पून चिली फ्लेक्स
• 1 टीस्पून ओवा
• 1 टीस्पून चाट मसाला
• 2 टेबलस्पून कोथिंबीर
• 1 टेबलस्पून लिंबाचा रस
• 1टेबलस्पून सॉफ्ट बटर
• मीठ चवीनुसार

हेदेखील वाचा – Ice Cream Day Special: फ्रिजशिवाय आईस्क्रीम कशी बनवावी? जाणून घ्या योग्य पद्धत

कृती

• क्रंची पिझ्झा कॉर्न बनवण्यासाठी सर्वप्रथम मक्याची साल काढा
• यानंतर गॅसवर एका भांड्यात पाणी ठेवा आणि यात मीठ आणि मका टाकून 10 मिनिटे वाफवा
• यादरम्यान एका बाऊलमध्ये पिझ्झा सॉस, मेयोनीज, मीठ, काळे मीठ, काळी मिरी, लाल तिखट, चिली फ्लेक्स, ओवा, चाट मसाला,
• कोथिंबीर, लिंबाचा रस आणि बटर असे सर्व साहित्य घालून नीट मिक्स करा
• यानंतर मिक्सरमध्ये कॉर्न फ्लेक्स टाकून बारीक करून घ्या
• तयार कॉर्न फ्लेक्सचा चुरा एका प्लेटमध्ये काढून पसरवून घ्या
• यानंतर पाण्यातून उकडलेला मका काढून त्यावरील अतिरिक्त पाणी कापडाने वाळवा
• नंतर त्यावर ब्रशच्या साहाय्याने मॅरिनेट केलेली पेस्ट लावा
• यानंतर हा मका बारीक केलेल्या कोर्नफ्लेकमध्ये नीट कोट करून घ्या
• मग हा मका 1-2 मिनिटे हलका भाजून घ्या
• अशाप्रकारे तुमचा क्रंची चटपटीत पिझ्झा कॉर्न तयार होईल
• गरमा गरम खाण्यासाठी सर्व्ह करा आणि याचा आनंद घ्या

Web Title: Monsoon special tasty pizza corn recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com