वाटीभर आवळ्यांपासून सोप्या पद्धतीमध्ये आवळा सिरप, जाणून घ्या सिरप बनवण्याची सोपी रेसिपी

तुरट चवीचा आवळा आपल्यातील अनेकांना आवडत नाही. पण आवळा खाल्यामुळे आरोग्याला अनेक फायदे होतात. म्हणून आज आम्ही तुम्हाला सोप्या पद्धतीमध्ये आवळा सिरप बनवण्याची सोपी रेसिपी सांगणार आहोत. चला तर जाणून घेऊया.

हिवाळ्यामध्ये बाजारात अनेक वेगवेगळ्या प्रकारच्या भाज्या उपलब्ध असतात. रोजच्या आहारात पालेभाज्या आणि इतर फळ भाज्यांचे सेवन केल्यास आरोग्याला अनेक फायदे होतील. हल्ली बाजारात मोठ्या प्रमाणावर आवळे उपलब्ध झाले आहेत. आवळ्याचे सेवन केल्यामुळे त्वचा आणि केसांना अनेक फायदे होतात. आवळ्यांपासून अनेक वेगवेगळे पदार्थ बनवले जातात. आवळ्यापासून लोणचं, मुरंबा, चटणी, मोरावळा, आवळा कँडी, आवळा सुपारी, आवळा क्रश इत्यादी अनेक पदार्थ बनवले जातात. आवळ्यामध्ये विटामिन सी, अँटीऑक्सिडंट्स, फायबर आणि अनेक आवश्यक पोषक घटक आढळतात जे आरोग्यासाठी खूप फायदेशीर असतात. शिवाय आवळ्याचे सेवन केल्यामुळे बिघडलेली पचनक्रिया सुधारण्यास मदत होते. बाजारात आवळ्याचे सिरप विकत मिळते. मात्र या सिरपमध्ये मोठ्या प्रमाणावर साखर असते. अतिप्रमाणात साखरेचे सेवन केल्यामुळे आरोग्याला हानी पोहचण्याची शक्यता असते. त्यामुळे आज आम्ही तुम्हाला वाटीभर आवळ्यांपासून आवळा सिरप बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• आवळा
• पाणी
• लिंबाचा रस
• आल्याचा रस
• मीठ
• साखर

नवनवीन रेसिपीसाठी इथे क्लिक करा

कृती:

• आवळा सिरप बनवण्यासाठी सर्वप्रथम, आवळे स्वच्छ धुवून आवळ्याचे बारीक तुकडे करून घ्या.
• त्यानंतर मिक्सरच्या भांड्यात आवळे आणि थोडस पाणी टाकून आवळ्याचा रस काढा.
• टोपामध्ये पाणी घेऊन बारीक गॅसवर पाणी गरम करण्यासाठी ठेवा. पाण्याला व्यवस्थित उकळी आल्याशिवाय गॅस बंद करू नये.
• पाण्याला उकळी आल्यानंतर त्यात साखर घालून व्यवस्थित मिक्स करून घ्या.
• साखरेचे सिरप तयार झाल्यानंतर गॅस बंद करून ते थंड होण्यासाठी ठेवा.
• साखरेचे सिरप पूर्णपणे थंड झाल्यानंतर त्यात आल्याचा रस आणि लिंबाचा रस टाकून मिक्स करून घ्या.
• नंतर त्यात तयार करून घेतलेला आवळ्याचा रस आणि चवीनुसार मीठ घालून पुन्हा एकदा मिश्रण व्यवस्थित मिक्स करा.
• तयार आहे सोप्या पद्धतीमध्ये बनवलेले आवळ्याचे सिरप.