वाढलेले वजन झपाट्याने होईल कमी, नाश्त्यामध्ये करा हरभऱ्याच्या सॅलेडचा समावेश

वाढलेले वजन कमी करण्यासाठी अनेक प्रयत्न करावे लागतात. योग्य वेळी वजन नियंत्रणात आणले नाहीतर आरोग्यासंबंधित गंभीर समस्या उद्भवण्याची शक्यता असते. अनेक लोक वजन कमी करण्यासाठी जिमला जातात, पण जीमला जाऊन फरक पडला नाही तर बाजारात मिळणाऱ्या गोळ्या औषध खाल्ली जातात. पण यामुळे आरोग्यावर गंभीर परिणाम होण्याची शक्यता असते.त्यामुळे वाढलेले वजन कमी करण्यासाठी आहारात हरभऱ्याच्या सॅलेडचा समावेश करावा.

खाण्यापिण्याच्या चुकीच्या सवयी, सतत बाहेरचे पदार्थ खाणे इत्यादी गोष्टींमुळे जीवनशैलीवर परिणाम होऊन वजन वाढण्याची शक्यता असते.वजन वाढल्यानंतर ते कमी करण्यासाठी अनेक लोक जीमला जातात. जीमला जाऊन फरक पडला नाही तर बाजारात मिळणाऱ्या गोळ्या औषध खाल्ली जातात. पण यामुळे आरोग्यावर गंभीर परिणाम होण्याची शक्यता असते. त्यामुळे अनेकदा आहारतज्ज्ञ गोळ्या औषधांपासून लांब राहण्याचा सल्ला देतात. प्रोटीन पावडर किंवा इतर गोळ्या औषधांचा वापर न करता घरातील पदार्थ खाऊन वाढलेले वजन कमी करता येते. वाढलेले वजन कमी करण्यासाठी हरभरे उपयुक्त आहेत. त्यामुळे तुम्ही सकाळी उठल्यानंतर किंवा संध्याकाळच्या आहारात हरभऱ्यापासून बनवलेला सॅलेडचा समावेश करू शकता. आज आम्ही तुम्हाला हरभऱ्याचे सॅलेड कसे बनवायचे याची सोपी रेसिपी सांगणार आहोत.(फोटो सौजन्य-istock)

साहित्य:

• हरभरे
• कांदा
• टोमॅटो
• चाट मसाला
• मीठ
• लिंबाचा रस
• कोथिंबीर
• पनीर

हे देखील वाचा: बटाट्यापासून बनवा टेस्टी डोनट्स; जाणून घ्या ‘ही’ सोपी रेसिपी

कृती:

• हरभऱ्याचे सॅलेड बनवण्यासाठी सर्वप्रथम रात्रभर हरभरे पाण्यात भिजत ठेवा. त्यानंतर कुकरमधून 5 शिट्या काढून हरभरे शिजवून घ्या.
• एका वाटीमध्ये उकडलेले हरभरे, बारीक चिरलेला कांदा, टोमॅटो आणि चवीनुसार मीठ टाकून मिक्स करा.
• नंतर त्यात मीठ, मिरपूड, चाट मसाला, सैंधव मीठ, लिंबाचा रस, जिरे पावडर घालून मिक्स करून घ्या.
• सगळ्यात शेवटी सॅलेडमध्ये पनीरचे बारीक केलेले तुकडे टाकून वरून कोथिंबीर टाका.
• तयार आहे संध्याकाळच्या किंवा सकाळच्या नाश्त्यासाठी हरभऱ्याचे सलॅड.