आलू पराठा खाऊन कंटाळा आला असेल तर सोप्या पद्धतीमध्ये बनवा कांद्याचा चविष्ट पराठा, नोट करून घ्या रेसिपी

सकाळच्या नाश्त्यात सोप्या पद्धतीमध्ये तुम्ही कांद्याचे पराठा बनवू शकता. कांद्याचा पराठा चवीला अतिशय सुंदर लागतो. त्यामुळे आज आम्ही तुम्हाला कांद्याचा पराठा बनवण्याची सोपी रेसिपी सांगणार आहोत.

आलू पराठा खाऊन कंटाळा आला असेल तर सोप्या पद्धतीमध्ये बनवा कांद्याचा चविष्ट पराठा

Follow Us:

Follow Us:

सकाळच्या नाश्त्यात नेहमी नेहमी काय बनवावं? हा प्रश्न सर्वच महिलांना पडतो. अशावेळी इडली, डोसा, कांदापोहे किंवा शिरा, उपमा खाऊन कंटाळा येतो. नेहमीच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी बऱ्याचदा पराठा बनवला जातो. बटाट्याचा पराठा, कोबीचा पराठा इत्यादी अनेक वेगवेगळ्या भाज्यांचा वापर करून पराठा बनवला जातो. मात्र आज आम्ही तुम्हाला कांद्याचा कुरकुरीत पराठा बनवण्याची सोपी रेसिपी सांगणार आहोत. तुम्ही बनवलेला कांद्याचा पराठा लहान मुलांपासून अगदी मोठ्यांपर्यंत सगळ्यांचं खूप जास्त आवडेल. आपल्यातील अनेकांना कांदा खायला आवडत नाही, अशावेळी तुम्ही कांद्यापासून बनवलेला पराठा किंवा इतर पदार्थ घरी बनवू शकता. चला तर जाणून घेऊया कांद्याचा पराठा बनवण्याची सोपी रेसिपी.(फोटो सौजन्य – iStock)

पोटाला थंडावा देण्यासाठी घरी बनवा सातूच्या पीठाचे थंडगार ताक! शरीरारात कायम टिकून राहील ऊर्जा

साहित्य:

• कांदा
• गव्हाचं पीठ
• तेल
• मीठ
• लाल तिखट
• हिंग
• हळद
• तूप
• आलं लसूण पेस्ट
• जिऱ्याची पावडर
• पांढरे तीळ

कृती:

• कांद्याचा पराठा बनवण्यासाठी सर्वप्रथम, कांद्याची साल काढून कांदा बारीक चिरून घ्या.
• मोठ्या वाटीमध्ये गव्हाचं पीठ, चवीनुसार मीठ, पांढरे तीळ, ओवा आणि थोडस गरम केलेलं तेल टाकून मिक्स करा.
• त्यानंतर पिठात आवश्यकतेनुसार पाणी घालून मिक्स करून घ्या. कणिक मळून झाल्यानंतर त्याला थोडस तेल लावून बाजूला ठेवा.
• कापून घेतलेल्या कांद्यामध्ये कोथिंबीर, आलं लसूण पेस्ट, बारीक हिरवी मिरचीची पेस्ट, जिऱ्याची पावडर, हिंग टाकून व्यवस्थित करून घ्या.
• त्यानंतर तयार करून घेतलेल्या कांद्याच्या मिश्रणात चवीनुसार मीठ टाकून मिक्स करा.
• गव्हाच्या पिठाचा छोटा गोळा घेऊन त्यात कांद्याचे मिश्रण भरून पराठा लाटून घ्या. गरम तव्यावर पराठा टाकून दोन्ही बाजूने व्यवस्थित भाजा.
• तयार आहे सोप्या पद्धतीमध्ये बनवलेला कुरकुरीत कांद्याचा पराठा.

Web Title: How to make onion paratha at home simple food recipe cooking tips food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com