घरच्या घरी हॉटेलसारखे पनीर कटलेट बनवायचे तरी कसे? जाणून घ्या

गणपतीच्या दिवसांत, अनेक घरी खास व्हेज डिशेस बनवल्या जातात, त्यात पनीर हा एक लोकप्रिय घटक असतो. पनीरपासून तयार केलेली पनीर कटलेट ही एक चविष्ट आणि सोपी डिश आहे, जी सणासुदीच्या वेळेस घरात खास आकर्षण ठरते.

गणपतीचे दिवस सुरु आहेत. अशा दिवसांत घरो घरी विविध व्हेज डिश बनत असतात. प्रत्येक घर स्वादिष्ट व्हेज व्यंजनांचा आस्वाद घेत असतो. अशा दिवसात पनीर जास्त खाल्ले जाते. लोकं पनीरपासून वेगवेगळे डिश बनवत असतात. कधी खाल्लेले पदार्थ बनवत असतात तर कधी फक्त ऐकून असलेले. कधी कधी तर नवीन संशोधनच करून टाकतात. एकंदरीत, या सणासुदीच्या दिवसांना सजवण्याचे काम पनीर करत असते. मग या पनीरला आज आणखीन नवीन चटपटीत स्वाद देऊया. हा स्वाद तुम्हाला व तुमच्या संपूर्ण परिवाराला नक्कीच आवडणार आहे. आजची रेसिपी तुम्हाला नक्कीच कौतुकाच्या पात्री ठरवणार आहे.

हे देखील वाचा : बाप्पाच्या प्रसादासाठी वाटीभर रव्यापासून बनवा मऊसूत गोड बर्फी, जाणून घ्या सोपी रेसिपी

गेल्या महिनाभरापासून आपण अनेकदा पनीर खाल्ले असेल. परंतु, बहुतेक जणांना पनीरची भाजी खाण्याचा कंटाळा नक्कीच आला असणार. तर चला मग आज आपण पनीरपासून कटलेट बनवूया. पनीरपासून बनलेले हे कटलेट तुम्हाला नक्कीच आवडणार आहे. महत्वाचे म्हणजे हे कटलेट बनवण्याची रेसिपी अगदी सोपी आणि सरळ आहे. चला तर मग जणू घेऊयात, पनीर कटलेट बनवण्याची सोपी पण हटके रेसिपी:

साहित्य :

• 2 कप पनीर (चिरलेले)
• ½ कप तांदूळ (उकडलेले)
• 1½ चमचा हिरवी मिरची (बारीक चिरलेली)
• ¼ कप मैदा
• ¼ चमचा धणे पूड
• ½ कप शिमला मिरची (बारीक चिरलेली)
• ब्रेड क्रंब (कोटिंगसाठी)
• 2 चमचे तेल
• मीठ स्वादानुसार

कृती:

• एका मोठ्या भांड्यात पनीर, उकडलेले तांदूळ, हिरवी मिरची, धणे पूड, शिमला मिरची, आणि मीठ एकत्र मिसळा.
• मिश्रण व्यवस्थित गूळसर होईपर्यंत मळा. हे मिश्रण हाताने कटलेटच्या आकारात तयार करा.
• कटलेट्सला मैदाच्या पेस्टमध्ये बुडवा आणि त्यानंतर ब्रेड क्रंब्सने कोट करा.
• एका पॅनमध्ये तेल गरम करा आणि कटलेट्स तळून घ्या. ते सोनेरी रंगाचे आणि खुसखुशीत होईपर्यंत तळा.
• गरमागरम पनीर कटलेट्स टॉमॅटो केचप किंवा चटणीसोबत सर्व्ह करा.

या पनीर कटलेटला तुम्ही घरातील कुटुंबासोबत सणासुदीच्या वेळी बनवू शकता आणि हॉटेलसारखी चव घरातच अनुभवू शकता.