फूड पॉयझनिंग का होते? यामागे काय आहेत लक्षणे? जाणून घ्या सविस्तर

फूड पॉयझनिंग होणे ही एक सामान्य समस्या आहे. अन्नातून किंवा पाण्यातून फूड पॉयझनिंग होण्याची दाट शक्यता असते. दरवर्षी फूड पॉयझनिंगमुळे हजारो पेक्षा जास्त लोकांचा जीव गेला आहे. अन्नातून विषबाधा झाल्यानंतर आरोग्यासंबंधित अनेक समस्या उद्भवतात. फूड पॉयझनिंग झाल्यानंतर काही गंभीर लक्षणे दिसून येतात. यामागे काही कारण देखील आहेत.

सर्वच ऋतूंमध्ये फूड पॉयझनिंग होते. फूड पॉयझनिंग होणे ही एक सामान्य समस्या आहे. अन्नातून किंवा पाण्यातून फूड पॉयझनिंग होण्याची दाट शक्यता असते. दरवर्षी फूड पॉयझनिंगमुळे हजारो पेक्षा जास्त लोकांचा जीव गेला आहे. अन्नातून विषबाधा झाल्यानंतर आरोग्यासंबंधित अनेक समस्या उद्भवतात. फूड पॉयझनिंग झाल्यानंतर काही गंभीर लक्षणे दिसून येतात. यामागे काही कारण देखील आहेत. पावसाळ्याच्या दिवसांमध्ये सतत उघड्यावरील बाहेरचे पदार्थ खाल्ल्याने आरोग्य पूर्णपणे बिघडून जाते. जेवणातील एखादा पदार्थ खराब झाल्यावर खाल्ल्यानंतर सुद्धा फूड पॉयझनिंग होण्याची शक्यता असते. त्यामुळेच आज आम्ही तुम्हाला फूड पॉयझनिंग झाल्यानंतर नेमकी कोणती लक्षणे दिसून येतात? फूड पॉयझनिंग झाल्यानंतर काय करावे? याबद्दल सविस्तर माहिती सांगणार आहोत. चला तर जाणून घेऊया.(फोटो सौजन्य-istock)

अन्न पदार्थ कधी खराब होतात?

32 ते 35 अंश सेल्सिअसपेक्षा जास्त तापमान वाढल्यानंतर अन्नपदार्थांमध्ये बॅक्टेरिया आणि बुरशीची वाढ होण्यास सुरुवात होते. त्यानंतर जर हे पदार्थ खाल्ले तर फूड पॉयझनिंग होण्याची शक्यता असते. 37 अंशांपेक्षा जास्त तापमान बॅक्टेरिया किंवा बुरशीसाठी अनुकूल आहे. या तापमानामध्ये पदार्थावर बुरशी लगेच तयार होते. तसेच गरम हवामानामध्ये कोणताही अन्नपदार्थ ठेवल्यास तो लवकर खराब होऊन जातो. त्यामुळे नेहमी ताजे आणि पचनास हलके असलेले पदार्थ खाण्याचा सल्ला दिला जातो.

हे देखील वाचा: स्वयंपाक घरात गॅसवर ठेवलेले दूध लगेच सांडते का? जाणून घ्या टिप्स

फूड पॉयझनिंग होण्याची लक्षणे:

• पोटात दुखणे
• उलट्या जुलाब होणे
• डोकेदुखी थकवा जाणवणे
• ताप
• अशक्तपणा येणे ही लक्षणे फूड पॉयझनिंग झाल्यानंतर जाणवतात.

फूड पॉयझनिंग झाल्यास काय करावे?

• फूड पॉयझनिंग झाल्यानंतर शरीरातील पाणी कमी होत जाते. शरीरातील पाण्याची पातळी नियंत्रणात ठेवण्यासाठी नारळ पाणी, ग्लुकोज, इलेक्ट्रोलाइट पावडर आणि लिंबू पाणी इत्यादी शरीराला हायड्रेट ठेवतील अशी पेय प्यावीत.
• पचनास हलके असलेल्या अन्नपदार्थांचे सेवन करावे.
• केळी खावीत, कारण केळ्यामध्ये पोटॅशियम असते. डायरियापासून आराम मिळवण्यासाठी केळ्यांचे सेवन करावे.
• फूड पॉयझनिंग झाल्यानंतर आल्याच्या पाण्यात लिंबू पिळून ते पाणी प्यावे. यामुळे पोटदुखीपासून आराम मिळतो.
• भाजलेल्या जिऱ्याची पावडर दह्यात मिक्स करून खावी. जेवणात पुदिन्याचा वापर करावा.
• दूध, मासे, चिकन, अंडी इत्यादी पदार्थ खाणे टाळावे.
• शक्यतो सर्वच ऋतूंमध्ये बाहेरचे पदार्थ खाणे टाळावे. सतत बाहेरचे पदार्थ खाल्ल्यामुळे फूड पॉयझनिंगची समस्या उद्भवते.