What is Live Pornography:काय आहे लाईव्ह पोर्नोग्राफी;कसा चालतो हा काळा धंदा, काय आहेत भारतातील कायदे?

हे अश्लीलतेचे एक असे रूप आहे जे पूर्वनिर्मित नसून प्रत्यक्ष वेळी-वेळी इंटरनेटवर "थेट" प्रसारित केले जाते. यामध्ये अनेक वेळा जबरदस्ती, मानव तस्करी, बाल शोषण किंवा गैरसोयीच्या परिस्थितीत असलेल्या व्यक्तींचा वापर होतो.

पोर्नोग्राफी हा विषय सर्वसामान्यांपासून लपवण्याचा प्रयत्न केला जात असला, तरी आजच्या डिजिटल युगात विशेषतः तरुणांमध्ये हा विषय अत्यंत प्रचलित आहे.  जागतिक अहवालानुसार ११ ते १६ वयोगटातील सुमारे ५३% मुले पोर्नच्या प्रभावाखाली असून भारतातीत तरूणही या ट्रेंडपासून दूर नाहीत.आता या जगात अजून एका अति धोकादायक प्रकाराची भर पडली आहे – लाईव्ह पोर्नोग्राफी.

लाईव्ह पोर्नोग्राफी ही केवळ एक मनोरंजनाची साधन नसून, एक गंभीर सामाजिक संकट बनली आहे. धक्कादायक बाब म्हणजे भारतासह जगभरातील तरुण पिढी या पॉर्नोग्राफीची शिकार बनत चालली आहे. समाजातील असंवेदनशीलता, डिजिटल अनैतिकता आणि कायद्याच्या अंमलबजावणीतील त्रुटी यामुळे हे संकट अधिकच गडद होत आहे.

गरमागरम पदार्थ खाण्याची इच्छा झाल्यास सोप्या पद्धतीमध्ये बनवा हेल्दी स्वीट कॉर्न सूप,नोट करा रेसिपी

लाईव्ह पोर्नोग्राफी म्हणजे काय?

हे अश्लीलतेचे एक असे रूप आहे जे पूर्वनिर्मित नसून प्रत्यक्ष वेळी-वेळी इंटरनेटवर “थेट” प्रसारित केले जाते. यामध्ये अनेक वेळा जबरदस्ती, मानव तस्करी, बाल शोषण किंवा गैरसोयीच्या परिस्थितीत असलेल्या व्यक्तींचा वापर होतो. हे सत्र बहुतेक वेळा ‘वेबकॅम मॉडेलिंग’च्या नावाखाली चालवले जातात.

हा काळा धंदा कसा चालतो?

वेबकॅम प्लॅटफॉर्म्स: अनेक ऑनलाईन प्लॅटफॉर्म्सवर पैसे भरून ‘लाईव्ह’ कार्यक्रम पाहता येतात.

डार्क वेबद्वारे व्यवहार: काही गुन्हेगारी गट हे थेट डार्क वेबवरून ऑपरेट करतात.

बाल शोषण: काही देशांमध्ये अल्पवयीन मुलांचा यामध्ये सहभाग हे अधिक धक्कादायक वास्तव आहे.

मानव तस्करीचा धोका: गरिबी व अज्ञानाचा गैरफायदा घेत अनेक मुलींना या दलदलीत ढकलले जाते.

जगात सर्वाधिक लाईव्ह पोर्नोग्राफी कुठे?

जगातील काही देश – विशेषतः फिलिपाइन्स, रोमानिया, रशिया, आणि थायलंड – यांना या लाईव्ह पोर्नोग्राफीच्या ‘हब’ म्हणून ओळखले जाते. तंत्रज्ञान, गरिबी, कायद्यांची शिथिल अंमलबजावणी आणि ऑनलाईन प्लॅटफॉर्म्सवरील नियंत्रणाचा अभाव यामुळे ही समस्या वाढत चालली आहे.

भारतामध्ये पोर्नोग्राफी बेकायदेशीर का?

• सार्वजनिकरित्या पोर्न दाखवणे, बनवणे आणि वाटप करणे पूर्णतः बेकायदेशीर आहे.
• पॉर्नोग्राफीचा कोणताही प्रचार (जसे की टेलिग्राम, व्हॉट्सअ‍ॅपवरील शेअर्स) गुन्ह्याच्या श्रेणीत येतो.

२०१८ मध्ये भारत सरकारने हजारो पॉर्न वेबसाइट्सवर बंदी घातली होती. मात्र, ही बंदी दीर्घकाळ टिकू शकली नाही.

नात्याला झाली अनेक वर्ष, पण गायब झालाय रोमान्स; त्वरीत करा 5 काम

महत्त्वाचे कायदे आणि कलमे

IT Act 2000 – कलम 67A

अश्लील व्हिडीओ/कन्टेंट तयार करणं, पसरवणं किंवा शेअर करणं

शिक्षा: 5 वर्षे तुरुंग आणि ₹10 लाख दंड

IPC कलम 292 आणि 293

अश्लील साहित्याची विक्री, वितरण किंवा जाहिरात

पहिल्या गुन्ह्यासाठी 2 वर्षे तुरुंग, पुढील गुन्ह्यासाठी 5 वर्षांपर्यंत शिक्षा

बाल पोर्नोग्राफी

हे एक गंभीर गुन्हा आहे. POCSO कायदा अंतर्गत कडक शिक्षा होऊ शकते.

(टीप- “पॉर्नोग्राफी हा फक्त वैयक्तिक प्रश्न नाही, तर तो समाज, कुटुंब आणि आपल्या मानसिकतेवर परिणाम करणारा विषय आहे. त्यामुळे पोर्नोग्राफीचे व्यसन लावून घेऊ नका, असे आवाहन नवराष्ट्र टीमकडून केले जात आहे”)