‘या’ लोकांसाठी देशी तूप ठरू शकते नुकसानदायक, नोकरदार व्यक्तींचा समावेश

आपल्या दैनंदिन आहारात गायीचे शुद्ध आणि साजूक तूप नेहमीच जेवणाची चव वाढवत असतो. त्यामुळेच देशी तूप प्रत्येक किचनचा एक अविभाज्य भाग बनला आहे. त्यात आपण सर्वेच जाणतो देशी तुपाचे किती फायदे आहेत. पण काही लोकांसाठी याचे सेवन नुकसानदायक असू शकते.

 

भारत हा जेवढा दूध उत्पादनात पुढे आहे तेवढाच तो दुग्धजन्य पदार्थांच्या सेवनात पुढे आहे. म्हणूनच तर आपल्याकडे अगदी लहानातील लहान गावात गायी पाहायला मिळतात. आपण अनेक दुग्धजन्य पदार्थ खात असतो पण तूप हा एक असा दुग्धजन्य पदार्थ आहे जो रोज प्रत्येकाच्या जेवणात वापरला जातो.

साजूक तुपातील पुरणपोळी असो की रोजच्या वरण भातात असणारे तूप, आपला प्रत्येक आहार आज देशी तूपाशिवाय अपूर्णच आहे. आपल्याकडे देशी तूप खाण्यामागे सुद्धा एक कारण आहे, ते म्हणजे तुपाचे सेवन आपल्या शरीरास फायदेशीर असते. परंतु काही लोकांसाठी देशी तुपाचे सेवन नुकसानदायक ठरू शकते.

देशी तूप फायदेशीर की नुकसानदायक?

देशी तूप खाण्याचे फायदे आपण ऐकले असतील. जे बऱ्याच अंशी खरे सुद्धा असले तरी काही बाबतीत तुपाच्या सेवनामुळे तोटेही पाहायला मिळू शकतात. सर्वप्रथम तूप हे मर्यादित प्रमाणातच खाल्ले पाहिजे जेणेकरून त्याचा परिणाम आपल्या शरीरावर होणार नाही. चला जाणून घेऊया कोणत्या वैद्यकीय परिस्थितीत आपण देशी तूप सेवन करू नये.

या लोकांनी देशी तुपाचे सेवन करू नये

• जर तुम्ही ऑफिसमध्ये 8 ते 10 तास बसून काम करत असाल, ज्यामुळे शारीरिक हालचाल होत नसेल तर तुम्ही देशी तुपाचे सेवन करणे योग्य नाही.
• हाय कोलेस्ट्रॉलच्या समस्येने त्रस्त असलेल्या लोकांनी देशी तुपापासून दूर राहावे, कारण यामुळे अनेक समस्या उद्भवू शकतात.
• जर तुम्हाला मधुमेहाचा त्रास असेल तर देशी तूप खाणे टाळा, कारण त्यामुळे तुमचे आरोग्य बिघडू शकते.

या लोकांसाठी देशी तूप फायदेशीर

• जे लोक तासनतास व्यायाम किंवा शारीरिक हालचाली करतात, त्यांच्यासाठी तूप खाणे फायदेशीर ठरू शकते.
• जे धावपळीची नोकरी करतात, त्यांच्यासाठी देशी तूप खाणे योग्य आहे.
• ज्यांना कोणत्याही किंमतीत वजन वाढवायचे आहे, अश्यानी देशी तुपाचे सेवन करण्यास काही हरकत नाही.