Winter Special: पायाच्या टाचण्यांना पडतायत भेगा? ‘हे’ घ्या टिप्स, वेळ निघून जाण्याच्या अगोदरच करा उपाय

हिवाळ्यात टाचा कोरड्या पडून भेगा फुटण्याचा त्रास वाढतो, पण नियमित मॉइश्चरायझिंग आणि कोमट पाण्यात पाय भिजवल्यास मोठा आराम मिळतो.

• सूज आणि कधीकधी संसर्गाचीही शक्यता वाढते
• मृत त्वचा मऊ पडते
• वेळेत काळजी घेतली तर हा त्रास पूर्णपणे टाळता येऊ शकतो!

हिवाळा सुरु होताच सर्वात जास्त त्रास होतो तो पायांच्या टाचांना. थंड हवेमुळे त्वचेतील ओलावा कमी होतो, रक्ताभिसरण मंदावते आणि परिणामी टाचा कोरड्या पडून भेगा फुटायला लागतात. वेळेत काळजी घेतली नाही, तर या भेगा खोलवर जाऊन वेदना, सूज आणि कधीकधी संसर्गाचीही शक्यता वाढते. घरगुती उपायांपासून ते दैनंदिन काळजीपर्यंत काही सोप्या टिप्स वेळेवर अमलात आणल्यास हा त्रास सहज नियंत्रणात ठेवता येतो.

Horror Story: मुंबईदर्शन करताना ‘या’ ठिकाणी चुकूनही गेलात तर मेलात!

पाय कोमट पाण्यात भिजवा

दिवसातून एकदा 10-15 मिनिटे कोमट पाण्यात पाय भिजवा. यामुळे मृत त्वचा मऊ पडते आणि भेगा भरून येण्यास मदत होते. पाण्यात थोडे मीठ किंवा एपीसम सॉल्ट टाकल्यास अतिरिक्त आराम मिळतो.

मॉइश्चरायझर किंवा हील क्रीम लावणे गरजेचे

टाचभेगांसाठी विशेष क्रीम्स वापरा. नसल्यास नारळ तेल, तूप, ग्लिसरीन आणि व्हॅसलीनचे मिश्रणही उत्तम मॉइश्चरायझर ठरते. रात्री लावून कॉटनचे मोजे घातल्यास परिणाम अधिक चांगला दिसतो.

घरगुती स्क्रब वापरा

साखर + मध + ऑलिव्ह तेल यांचा हलका स्क्रब आठवड्यातून 2 वेळा वापरल्यास मृत त्वचा निघते आणि टाचा मऊ राहतात. पुमिक स्टोनचा वापरही सुरक्षितरीत्या करू शकता.

दिवसभर पाय कोरडे ठेवू नका

बराच वेळ नंगे पाय राहिल्यास त्वचा अधिक कोरडी पडते. घरामध्येही हलके, मऊ सोल असलेले चप्पल घाला.

पाणी आणि आहार महत्त्वाचा

पुरेसं पाणी पिणं, सुकामेवा, बिया, तेलकट मासे, आणि व्हिटॅमिन–E युक्त पदार्थ खाल्ल्याने त्वचेची नैसर्गिक आर्द्रता टिकते.

10000 कॅलरी रोज खाऊन रशियन इन्फ्लुएन्सरचा झोपेतच झाला मृत्यू, वजन कमी-जास्त करण्यासाठी 1 चूक ठरू शकते जीवघेणी

कधी डॉक्टरांना भेटावे?

टाचांमध्ये खोल भेगा, सतत रक्तस्राव, वेदना किंवा सूज दिसत असल्यास त्वचारोग तज्ज्ञांचा सल्ला अवश्य घ्या. हिवाळ्यातील या सोप्या टिप्स आपल्या दैनंदिन रुटीनमध्ये घेतल्यास टाचांचा कोरडेपणा कमी होऊन भेगा पटकन भरून येतात. वेळेत काळजी घेतली तर हा त्रास पूर्णपणे टाळता येऊ शकतो!