शनिवार, 22 ऑगस्ट 2026
Buldhana Municipal Council News
बुलढाणा शहर स्वच्छ ठेवण्यासाठी नगरपालिकेकडून पुरेशा प्रमाणात घंटागाड्या उपलब्ध करून देण्यात येत आहेत. मात्र, काही शासकीय कर्मचारी, अपार्टमेंटमधील रहिवासी, हॉटेल व्यावसायिक, मच्छीमार व विक्रेते रस्त्यांवर किंवा झाडांच्या बुंध्याशी कचरा टाकत असल्याचे निदर्शनास आले आहे. कचरा टाकणाऱ्यांचा शोध घेण्यासाठी तसेच घंटागाड्यांचे ट्रॅकिंग करण्यासाठी ‘बुलेट’ कंपनीचे उच्च क्षमतेचे कॅमेरे बसविण्यात येणार आहेत. सुरुवातीला ग्रामपंचायत सरपंच, ग्रामसेवक व स्वच्छता दूत नागरिकांना कचरा घंटागाडीतच टाकण्याचे आवाहन करतील. वारंवार सूचना देऊनही नियमांचे उल्लंघन करणाऱ्यांवर एक हजार रुपये दंडाची कारवाई करण्यात येणार आहे. सर्व व्यापारी व संबंधित घटकांची लवकरच बैठक घेण्यात येणार असून, स्वच्छता अभियानात नागरिकांनी प्रशासनाला सहकार्य करावे, असे आवाहन आ. गायकवाड यांनी केले.
मोताळा येथील कचरा डेपोचा प्रश्न कायमस्वरूपी निकाली काढण्यासाठी सध्याचा कचरा डेपो अन्यत्र हलवून नवीन जागेवर उभारण्याचा निर्णय घेण्यात आला आहे. यासाठी जिल्हाधिकाऱ्यांनी तातडीने कारवाई करण्याचे निर्देश दिले.
Buldhana News: मृद व जलसंधारण अधिकाऱ्यांची कार जप्त; पाझर तलाव भूसंपादनप्रकरणी कोर्टाची कारवाई
