कोल्हापूर: कोल्हापुरच्या राजकारणातून मोठी बातमी समोर येत आहे. भाजपचे नेते समरजीतसिंह घाडगे शरद पवार यांच्या राष्ट्रवादी प्रवेश करणार असल्याची माहिती आहे.येत्या 23 ऑगस्ट ला ते शरद पवार यांची तुतारी हातात घेणार असल्याचे सांगण्यात येत आहे. गेल्या काही दिवसांपासून समरजीत घाडगे भाजपमध्ये अस्वस्थ असल्याच्या बातम्या येत होत्या. त्यानंतर त्यांनी शरद पवार यांच्या भेटीगाठीही घेतल्या. त्यानंतर त्यानंतर ते अखेर २३ ऑगस्टला समरजीत घाडगे कागलमध्ये मेळाव्यात आपली भूमिका जाहीर कऱणार असल्याचे सांगण्यात येत आहे.
समरजीत घाडगे उपमुख्यमंत्री देवेंद्र फडणवीस यांच्या अत्यंत जवळते मानले जात होते. तर हसन मुश्रीफ यांचे कट्टर विरोधक म्हणूनही त्यांची ओळख होती. पण अजित पवार यांच्यासोबत कोल्हापूरचे हसन मुश्रीफ हेदेखील सत्तेत समील झाले. उपमुख्यमंत्री देवेंद्र फडणवीस यांच्यासमोर त्यांनी अनेकदा आपली नाराजीही बोलून दाखवली. फडणवीसांनी समजूत काढल्यानंतर त्यांनी भाजपमध्येच थांबण्याचा निर्णयही घेतला. पण आगामी विधानसभा निवडणुकीसाठी अजित पवार यांच्या उमेदवारालच कागमधून उमेदवारी मिळणार असल्याची चर्चा सुरू झाल्या. अजित पवार यांनीदेखील कागदमध्य झालेल्या मेळाव्यात हसन मुश्रीफ हे महायुतीचे उमेदवार असतील अशी घोषणा केली. त्यामुळे समरजीत घाडगेंची अस्वस्थताही वाढू लागली होती.
हेदेखील वाचा: पुणे जिल्हा परिषदेचे माजी सभापती मंगलदास बांदल यांना ईडीकडून अटक
दरम्यान, राज्यातील 2019 च्या विधानसभा निवडणुका, त्यानंतर राज्यातील राजकारणात झालेल्या घडामोडी आणि अलीकडेच झालेल्या लोकसभा निवडणुकीनंतर राज्यातील राजकीय समीकरणेही बदलली आहेत. जिल्हा, तालुका आणि गावपातळीवरही या बदलत्या राजकारणाचे पडसाद उमटू लागले आहेत.त्यामुळे बदललेल्या राजकीय समीकरणांनुसार नेतेमंडळींही देखील रणनीती आखताना दिसत आहेत..
दरम्यान, गेल्या काही दिवसांपासून शरद पवार गटाकडून समरजीत सिंह घाटगे यांना उमेदवारीसाठी ऑफर देण्यात येत असल्याच्या चर्चा सुरू होत्या. त्यातच अजित पवारांनी हसन मुश्रीफ यांची उमेदवारी जाहीर केल्याने समरजीत घाटगे यांच्याही राजकीय भविष्याचा प्रश्न उभा राहिला होता. त्यामुळे त्यांच्याकडेही तुतारी हातात घेण्याशिवाय पर्याय उरला नव्हता. याचे कारण म्हणजे कागलच्या निवडणुकीत तिरंगी लढत झाल्यास दरवेळी त्याचा फायदा हा हसन मुश्रीफांना होतो. त्यामुळे समरजीत घाडगे शरद पवार यांच्या राष्ट्रवादीत प्रवेश कऱणार असल्याचे जवळपास निश्चित मानले जात आहे.
हेदेखील वाचा: विधानसभा निवडणुकीच्या पार्श्वभूमीवर भाजपने आखली ‘ही’ रणनीति
.png "Videos"){kind=small}
