मोठी बातमी ! पुणे विमानतळावर हवाई दलाच्या विमानाचा अपघात; विमानसेवेवर मोठा परिणाम
पुणे : पुण्यात भारतीय हवाई दलाच्या विमानाचा अपघात झाला. विमानाचा अपघात झाल्याने पुणे विमानतळाची धावपट्टी पुढील काही तासांसाठी बंद करण्यात आली आहे. यामुळे विमानसेवेवर मोठा परिणाम झाला. दरम्यान, हा एक किरकोळ स्वरुपाचा अपघात असल्याची माहिती दिली जात आहे. यामध्ये विमान कर्मचारी सुरक्षित असून कोणत्याही नागरी मालमत्तेचे नुकसान झालेले नाही, अशी माहिती दिली जात आहे.
याबाबत भारतीय हवाई दलाने महत्त्वपूर्ण माहिती दिली. त्यांनी सांगितले की, हवाई दलाच्या एका विमानाचा अपघात पुणे विमानतळावर झाला. या अपघातामुळे पुणे विमानतळावरील धावपट्टी तात्पुरती बंद केली गेली. धावपट्टी पुन्हा कार्यान्वित करण्याचे प्रयत्न सुरू असल्याचेही सांगण्यात आले. विमान कर्मचारी सुरक्षित असून कोणतीही नागरी मालमत्तेचे नुकसान झालेले नाही. विमानतळावरील धावपट्टी तात्पुरती बंद करण्यात आल्याने अनेक येणाऱ्या विमानांना दुसऱ्या मार्गाने वळवावे लागले आहे.
दरम्यान, विमान वाहतूक राज्यमंत्री मुरलीधर मोहोळ यांनी याबाबत माहिती दिली. ते म्हणाले, ‘सुदैवाने, विमानातील कर्मचारी सुरक्षित आहेत आणि नागरी मालमत्तेचे कोणतेही नुकसान झालेले नाही. विमान कंपन्यांना माहिती देण्यात आली आहे आणि धावपट्टीवरील कामकाज पुन्हा सुरू होण्यास काही वेळ लागू शकतो. या परिस्थितीवर लवकरात लवकर तोडगा निघावा यासाठी मी विमानतळ संचालक आणि हवाई दलाच्या अधिकाऱ्यांच्या सतत संपर्कात आहे’.
अनेक विमाने वळवण्यात आली
पुणे विमानतळावर उतरणारी किमान आठ विमाने सुरत आंतरराष्ट्रीय विमानतळ, गोवा मनोहर आंतरराष्ट्रीय विमानतळ, नवी मुंबई आंतरराष्ट्रीय विमानतळ, चेन्नई आंतरराष्ट्रीय विमानतळ आणि कोईम्बतूर आंतरराष्ट्रीय विमानतळावर वळवण्यात आली. रात्री सुमारे दरम्यान, 11.41 वाजता, भारतीय हवाई दलाच्या माध्यम समन्वय केंद्राने एका पोस्टमध्ये सांगितले की, या घटनेमुळे धावपट्टी उपलब्ध नाही. तसेच, विमानातील सर्व कर्मचारी सुरक्षित असून कोणतीही नागरी मालमत्ता खराब झालेली नाही, असेही त्यात नमूद केले आहे.
.png "Videos"){kind=small}
