मुंबई लोकल मोबाईल तिकीट बुकिंगच्या सेवेत मोठा बदल; आता प्रवाशांचा वेळ वाचणार

मुंबईची लाईफलाईन म्हणून ओळखली जाणारी लोकल, गर्दीच्या वेळत लोकल किंवा घाईत असताना मोबाईल अ‍ॅप, The UTS mobile app वरून थेट तिकीट काढून लोकल ट्रेन पकडू शकतो.  मुंबई लोकलच्या प्रवाशांना आता हीच ऑनलाईन तिकीट काढण्याची सुविधा अजून फायद्याची झाली आहे. पूर्वी 2 किमी अंतराच्या परिघामध्ये तिकीट बूकिंगची असलेली ही सोय आता 5 किमी पर्यंत करत रेल्वेने प्रवाशांना मोठा दिलासा दिला आहे. उपनगरामध्ये ही 5 किमी वरून 20 किमी करण्यात आली आहे. त्यामुळे ट्रेन बदलून प्रवास करणार्‍या प्रवाशांचा आता वेळ वाचणार आहे.

तसेच रेल्वे बोर्डच्या सुचनेनुसार, प्रत्येक झोन मध्ये 7 नोव्हेंबर पासून हा तिकीट बुकिंगचा नियम लागू असणार आहे. यासाठी अनेकदा प्रवाशांकडून मागणी समोर येत होती. कोणतीही क्षेत्रीय रेल्वे जी 5 किमीचे हे निर्बंध 10 किमीपर्यंत वाढवू इच्छित असेल, त्यांनी CRIS ला इच्छित अंतराच्या निर्बंधाची माहिती द्यावी, असे देखील रेल्वेकडून सांगण्यात आल्याची माहिती समोर आली आहे. The UTS mobile app वर प्रवाशांना सीझन तिकीट, प्लॅटफॉर्म तिकीट, मासिक पास, रोजचं तिकीट अशा प्रकारच्या तिकीट बुकिंगची सोय आहे. यामुळे रेल्वे स्थानकांत लांब लचक रांगेत उभं राहण्याचा वेळ वाचतो. पेमेंट साठी देखील रेल्वेच्या R- Wallet सोबत PayTM, Mobikwik सारखे पर्याय उपलब्ध आहेत.