जेजे रुग्णालयात पार पडलं तुनिषाच शवविच्छेदन; मीरा रोड येथे दुपारी चार वाजता होणार अंत्यसंस्कार!

तुनिषाने शनिवारी शूटिंग सेटवर गळफास लावून आत्महत्या केली. आत्महत्येप्रकरणी त्याचा सहकलाकार शीजान खान याला वालीव पोलिसांनी अटक केली आहे.

मुंबई : टीव्ही अभिनेत्री तुनिषा शर्माचे (Tunisha sharma ) पोस्टमॉर्टम रविवारी सकाळी मुंबईतील जेजे रुग्णालयात झाले. त्याची व्हिडिओग्राफीही करण्यात आली आहे. सकाळी 11 वाजता त्यांचे पार्थिव कुटुंबीयांना देण्यात येणार आहे. रुग्णालयातून तुनिषाचा मृतदेह मीरा रोडला आणण्यात येणार आहे. दुपारी चारच्या सुमारास त्यांच्यावर अंत्यसंस्कार होणार आहेत.

[read_also content=”तुनिषा शर्मा आत्महत्या प्रकरणी अभिनेता शेजान खानला अटक, आत्महत्येस प्रवृत्त केल्याप्रकरणी गुन्हा दाखल https://www.navarashtra.com/maharashtra/actor-shejan-khan-arrested-in-tunisha-sharma-suicide-case-case-registered-for-abetting-suicide-nrps-356581.html”]

तुनिषाने शनिवारी शूटिंग सेटवर गळफास लावून आत्महत्या केली. आत्महत्येप्रकरणी त्याचा सहकलाकार शीजान खान (Sheezan Khan)  याला वालीव पोलिसांनी अटक केली आहे. अभिनेत्रीच्या आईने त्यांच्यावर गंभीर आरोप केले आहेत. शीजानवर नाराज होऊन तुनिषाने आत्महत्या केल्याचे त्यांनी सांगितले. कुटुंबीयांच्या तक्रारीवरून पोलिसांनी गुन्हा दाखल केला आहे. पोलिसांनी सेटवर उपस्थित सर्व लोकांची चौकशीही केली होती. घटनास्थळावरून कोणतीही सुसाइड नोट सापडलेली नाही. खून आणि आत्महत्या या दोन्ही बाजूंनी या प्रकरणाचा तपास सुरू असल्याचे पोलिसांचे म्हणणे आहे. शीजानला आज न्यायालयात हजर केले जाणार आहे.