Mukhyamantri Ladki Bahin Yojna: निकषात बसत नसाल तर…; लाडक्या बहिणींना आदिती तटकरेंचा थेट इशारा

आदिती तटकरे यांनी यासंदर्भात माहिती दिली आहे. मुख्यमंत्री माझी लाडकी बहीण योजनेतील लाभार्थींच्या अर्जांची तपासणी सुरू होणार असल्याची चर्चा होती. पण फक्त तक्रारी आल्यास अर्जांची तपासणी केली जाईल.

विधानसभा निवडणुकीपूर्वी महिलांच्या खात्यात 1500 रुपये जमा करणाऱ्या महाराष्ट्र सरकारची ‘मुख्यमंत्री माझी लाडकी बहीण योजना’ सध्या चांगलीच चर्चेत आहे. निवडणुकीपूर्वी सरसकट महिलांच्या खात्यात 1500 रुपये जमा केले जात होते. पण आता या योजनेला काही निकष लावण्यात आले आहेत. या निकषांमुळे अनेक अपात्र महिलांची नावे वगळली जाणार आहेत. यासंदर्भात महिला व बालकल्याण विभागाने यासंदर्भात महत्त्वपूर्ण सूचना दिल्या आहेत.

1. स्वतःहून नावे वगळण्याचा सल्ला : महिला व बालकल्याण विभागाने निकषांमध्ये न बसणाऱ्या महिलांनी स्वतःहून योजनेतून नावे कमी करावी, असे आवाहन केले आहे. अपात्र महिलांनी अर्ज मागे घेतला नाही तर त्यांना योजनेतील अनुदानाची रक्कम परत करावी लागेल.

शिवसेनेच्या ‘या’ नेत्याची आमदारकी धोक्यात? ठाकरे गटाला धक्का बसण्याची शक्यता

2. पैसे परत भरण्याचा नियम : अपात्र महिलांनी योजनेतून नावे काढली नाहीत तर त्यांनी महिला व बालकल्याण विभागाच्या लेखाशिर्षावर पैसे भरावेत, अशी सूचना सचिव अनुपकुमार यांनी केली आहे.

3. लाभ वितरण : योजनेतील लाभार्थ्यांना डिसेंबर महिन्याचा हप्ता वितरीत करण्यात आला असून, जानेवारी महिन्याच्या हप्त्याची वाट लाभार्थी महिलांकडून पाहिली जात आहे. मात्र, अपात्र महिलांना योजनेतून नाव वगळण्याचे निर्देश देण्यात आले आहेत.

4.  अर्ज मागे घेतलेल्या महिला : याआधी, धुळे आणि पुणे जिल्ह्यातील दोन महिलांनी स्वतःहून अर्ज मागे घेतले आहेत, ज्यामुळे त्यांचे अनुकरण इतर महिलांनी करावे, असा संदेश दिला जात आहे.

संभाजीनगर दोन निर्घृण हत्येनं हादरलं; ऑनर किलिंगचा प्रकार की

महिला व बालकल्याण विभागाच्या या कृतीमुळे योजनेचा लाभ योग्य लाभार्थ्यांपर्यंत पोहोचवण्यासाठी सरकारचा कटाक्ष दिसून येतो. ही योजना महिलांच्या सशक्तीकरणासाठी असून, अपात्र महिलांनी योजनेचा गैरवापर टाळावा, हा यामागील उद्देश आहे.

आदिती तटकरे यांनी यासंदर्भात माहिती दिली आहे. मुख्यमंत्री माझी लाडकी बहीण योजनेतील लाभार्थींच्या अर्जांची तपासणी सुरू होणार असल्याची चर्चा होती. पण फक्त तक्रारी आल्यास अर्जांची तपासणी केली जाईल. त्यामुळे जर आपण या योजनेच्या निकषात बसत नसाल आणि तरीही लाभ घेत असाल, तर त्वरित सावध व्हा आणि आताच अर्ज मागे घ्या, असे आदिती तटकरे यांनी म्हटलं आहे.

छगन भुजबळ यांनीही यावर भाष्य करत सांगितले आहे की, अपात्र महिलांना नावे मागे घ्यावी लागतील किंवा दंड भरण्याची तयारी ठेवावी लागेल. त्यामुळे अपात्र लाभार्थींना दंड आकारला जाण्याची शक्यता आहे. जर आपण या योजनेचे निकष पूर्ण करत नसाल, तर योजनेचा लाभ घेणे थांबवा. अन्यथा, आपल्या विरोधात कारवाई होऊ शकते. योजना निकषांची पूर्तता करणाऱ्या महिलांनीच योजनेचा लाभ घ्यावा, अशी विनंती केली जात आहे. अपात्र लाभार्थ्यांनी योग्य ती पावले उचलून आपले नाव मागे घ्यावे, जेणेकरून अनावश्यक कारवाई किंवा दंडाची वेळ येणार नाही.