रविवार, 18 ऑक्टोबर 2026
मुंबई : मॉल आणि सुपरमार्केटमध्ये वाईन विक्रीला परवानगी देण्याचा निर्णय गुरुवारी (२७ जानेवारी) राज्य मंत्रिमंडळाच्या बैठकीत घेण्यात आला. एक हजार चौरस फुटांच्या पेक्षा जास्त आकारमानाचे सुपरमार्केट किंवा स्टोअरमध्ये एक स्टॉल टाकून वाईन विक्रीला मुभा देण्यात येणार आहे. राज्य मंत्रिमंडळाच्या या निर्णयावर विरोधी पक्ष भाजपनं आक्रमक भुमिका घेतलीय. याचमुद्द्यावरून भाजप नेते गोपीचंद पडळकर यांनी संजय राऊत यांच्यावर टीकास्त्र सोडलंय.
जनाब संजय राऊत हे देवेंद्र फडणवीस यांच्या आरोपामुळे पुरते बावचळले आहेत. या भितीपोटी की ते परदेशात वाईन मालकांसोबत झालेल्या बैठकी बाबत खुलासा करतील. त्यामुळेच राऊतांचं ‘झिंग झिंग झिंगाट’ झालं आहे. अशी टीका आमदार गोपीचंद पडळकर यांनी केली आहे.
“जर खरोखरच महाराष्ट्रातील शेतकऱ्यांबद्दल तुम्ही हे धोरण राबवत असाल तर तुम्ही महाराष्ट्रात निर्माण झालेल्या वाइनलाच विक्रीची परवानगी असणार आहे आणि परदेशात झालेल्या बैठकीतील कंपन्यांना नाही हे तुम्ही नमूद करणार का? टक्केवारीसाठी वाइन ही दारू नव्हे असे संशोधन करणाऱ्यांचा मी निषेध करतो असे,” गोपीचंद पडळकर म्हणाले.
“शरद पवारांच्या नावाचा वापर करून आपण विक्रीचं समर्थन करताय. मला खात्री आहे की जे पवारांनी आयुष्यात खूप सोसलं आहे आणि त्याची खंतही जाहीरपणे व्यक्त केलेली आहे. त्यामुळेच ते महाराष्ट्राच्या तरूण पिढीला नशेत ढकलण्याची भूमिका कधीही घेणार नाहीत,” असे पडळकर यांनी स्पष्ट केले.
जर खरोखरच महाराष्ट्रातील शेतकऱ्यांबद्दल तुम्ही हे धोरण राबवत असाल तर हे नमूद करणार का? की तुम्ही महाराष्ट्रात निर्माण झालेल्या वाईनलाच विक्रीची परवानगी असणार. परदेशात झालेल्या बैठकीतील कंपन्यांना नाही. शरद पवारांच्या नावाचा वापर करून आपण विक्रीचं समर्थन करताय. मला खात्री आहे की जे पवारांनी आयुष्यात खुप सोसलं आहे आणि त्याची खंतही जाहीरपणे व्यक्त केलेली आहे. त्यामुळेच ते महाराष्ट्राच्या तरूण पिढीला नशेत ढकलण्याची भूमिका कधीही घेणार नाहीत. असं देखील पडळकर यांनी म्हटलं आहे.
