दोन हजारांच्या नोटबंदीचा ताप पेट्रोल पंपमालकांना, अनेक ठिकाणी लागले बोर्ड, कुठं लिहून घेतायेत आधार कार्ड नंबर

आता 2 हजारांच्या नोटा वापरता येत असल्यानं बँकांत (Bank) रांगेत जाऊन नोटा बदलून घेण्याऐवजी अनेक जणं या नोटा आता व्यवहारात वापरण्याचा प्रयत्न करतायेत. यामुळं सर्वात मोठा ताप हा ज्वेलर्स आणि पेट्रोल पंप चालकांना झाला आहे.

मुंबई– 2 हजार रुपयांची नोट (demonetisation)[blurb content) चलनातून हटवण्याचा निर्णय घेण्यात आलाय. यासाठी सप्टेंबरपर्यंत 2 हजारांच्या नोटा बँकांत जमा करण्याचे आदेश आरबीआयच्या वतीनं देण्यात आले आहेत. तोपर्यंत या नोटा चलनात वापरण्याचीही परवानगी आहेच. आता 2 हजारांच्या नोटा वापरता येत असल्यानं बँकांत (Bank) रांगेत जाऊन नोटा बदलून घेण्याऐवजी अनेक जणं या नोटा आता व्यवहारात वापरण्याचा प्रयत्न करतायेत. यामुळं सर्वात मोठा ताप हा ज्वेलर्स आणि पेट्रोल पंप चालकांना झाला आहे. अनेक ठिकाणी या 2 हजारांच्या नोटा ग्राहकांकडून घेण्यावरुन ग्राहक आणि मालक यांच्यात वादही झडताना दिसतायेत. (Demonetisation Two Thousand Note)

पेट्रोलपंच चालक हैराण

गेल्या 2-3 दिवसांपासून पेट्रोल पंपांवर 2 हजारांच्या नोटा अचानक वाढल्याचं दिसतंय. राज्यात आणि देशातही हीच स्थिती आहे. 200 रुपयांचं पेट्रोल भरण्यासाठीही 2 हजारांची नोट पुढं करण्यात येते आहे. या नोटांचं करायचं काय आणि ग्राहकांना इतके सुट्टे द्यायचे कसे, असा प्रश्न पेट्रोल पंप कर्मचारी, चालक, मालक यांना पडलेला आहे. अनेक ठिकाणी 2000 रुपयांचे सुट्टे मिळणार नाहीत, असे बोर्ड पेट्रोल पंपांवर लावण्यात आले आहेत.

आधार कार्डाचा नंबरही लिहितायेत.

काही शहरांत या 2 हजारांच्या नोटा घेत असताना, पेट्रोलपंप धारक धास्तावलेलेही आहेत. त्यामुळं जो ग्राहक पेट्रोल भरण्यासाठी 2 हजारांची नोट देतोय. त्याचा आधार कार्ड क्रमांकही नोंदंवण्यात येतायेत. या नोटा बँकेत जमा केल्यानंतर तपासाचा ससेमिरा मागे लागू नये यासाठी ही खबरदारी घेण्यात येत असल्याचं सांगण्यात येतंय.