शनिवार, 17 ऑक्टोबर 2026
पुणे जिल्ह्यातील २८.६६ लाख मतदारांची नावे यादीतून वगळली; तुमचे नाव आहे का? असे तपासा
पुनरीक्षण कार्यक्रमापूर्वी जिल्ह्यात ९० लाख ८० हजार १७३ मतदार होते. त्यापैकी ६२ लाख १३ हजार ६९२ मतदारांनी गणना पत्रक भरून दिले आहे. पुनरीक्षणादरम्यान १७ लाख ८३ हजार ५८ मतदार त्यांच्या नोंदणीकृत पत्त्यावर आढळून आले नाहीत. ५ लाख ९१ हजार ३८ मतदारांचे स्थलांतर झाल्याचे निदर्शनास आले, तर ३ लाख १२ हजार ४८ मतदार मृत असल्याचे आढळले. याशिवाय १ लाख ४३ हजार ९७५ नावे दुबार आणि ३६ हजार ३६२ नावे इतर कारणांमुळे वगळण्यात आली आहेत.
राज्यातील पावसाबाबत महत्त्वाची अपडेट ! 18 जिल्हे ‘रेड झोन’मध्ये, 32 जिल्ह्यांत पावसाची तूट
वगळण्यात आलेल्या मतदारांना आवश्यक पुरावे सादर करून नाव अंतिम मतदार यादीत समाविष्ट करण्यासाठी ३० सप्टेंबरपर्यंत दावे व हरकती दाखल करता येणार आहेत. विशेषतः सन २००२ च्या मतदार यादीत स्वतःचे अथवा आई-वडील किंवा आजी-आजोबांचे नाव असल्याचा पुरावा असलेल्या मतदारांना नमुना क्रमांक ६ भरून नाव समाविष्ट करण्यासाठी अर्ज करता येईल. मतदार यादीतील नाव, पत्ता, वय किंवा अन्य तपशीलात बदल अथवा दुरुस्ती करायची असल्यास आवश्यक कागदपत्रांसह नमुना क्रमांक ८ भरता येईल. तसेच एखाद्या मतदाराच्या नावाबाबत आक्षेप असल्यास नमुना क्रमांक ७ द्वारे हरकत नोंदविता येणार आहे. प्रारूप यादीतील काही मतदारांच्या तपशिलात तफावत आढळली असून, काहींचे २००२ च्या मतदार यादीशी मॅपिंग झालेले नाही. अशा ‘अॅनॉमलीज’ आणि ‘नो लिंकेज’ प्रकरणांवर संबंधित यादीभागाच्या सहाय्यक मतदार नोंदणी अधिकाऱ्यांच्या स्तरावर सुनावणी होणार आहे.
“विशेष सखोल पुनरीक्षणानंतर पुणे जिल्ह्यातील प्रारूप मतदार यादी प्रसिद्ध करण्यात आली आहे, ज्या मतदारांचे नाव वगळले गेले आहे अथवा तपशीलात त्रुटी आहेत, त्यांनी आवश्यक कागदपत्रांसह ३० सप्टेंबरपर्यंत संबंधित अधिकान्यांकडे दावा किंवा हरकत दाखल करावी.
– मीनल कळसकर, जिल्हा निवडणूक अधिकारी
सुनावणीनंतर संबंधित मतदाराचे नाव अंतिम यादीत ठेवायचे की नाही, याबाबत निर्णय घेतला जाईल. दावे हरकतीवर मतदार नोंदणी अधिकारी, सहाय्यक मतदार नोंदणी अधिकारी तथा तहसीलदार यांच्या स्तरावर सुनावणी होणार असून, ३१ ऑगस्ट ते २९ ऑक्टोबरदरम्यान त्यावर निर्णय घेतला जाईल. त्यानंतर ४ नोव्हेंबर २०२६ रोजी अंतिम मतदार यादी प्रसिद्ध करण्यात येणार आहे, संबंधित अधिकान्यांच्या निर्णयाविरोधात जिल्हा निवडणूक अधिकारी, पुणे यांच्याकडे अपील करता येईल.
जिल्ह्यातील २१ विधानसभा मतदारसंघांची प्रारूप मतदार यादी संबंधित मतदार नोंदणी अधिकारी कार्यालये, जिल्हाधिकारी कार्यालय आणि मान्यताप्राप्त राजकीय पक्षांच्या जिल्हाध्यक्षांच्या कार्यालयांत पाहण्यासाठी उपलब्ध आहे.
तसेच जिल्हाधिकारी कार्यालयाच्या pune.gov.in सकेतस्थळावर, भारत निवडणूक आयोगाच्या ECINET आणि Voter Service Portal वरही ती उपलब्ध करून देण्यात आली आहे. मतदारांनी प्रारूय यादीत आपले नाव तपासून आवश्यक असल्यास विहित मुदतीत दावा किवा हरकत दाखल करावी, असे आवाहन जिल्हा निवडणूक प्रशासनाने केले आहे.
राज्यात सुरू असलेल्या विशेष सखोल पुनरावलोकन (एस. आय. आर) प्रक्रियेच्या पार्श्वभूमीवर बारामती लोकसभा मतदारसंघातील प्रत्येक मतदाराने आपले तसेच कुटुंबातील सदस्यांचे ए. एस. डी. डी यादीत आहे किंवा नाही, याची तातडीने तपासणी करावी, असे आवाहन खासदार सुप्रिया सुळे यांनी केले आहे. बारामती लोकसभा मतदारसंघातील २,५१५ मतदान केंद्रांवरील तब्बल २५ लाख ९६ हजार २५३ मतदारांच्या मतदार यादीची एस आय. आर प्रक्रियेंतर्गत तपासणी सुरू आहे.
या प्रक्रियेत तयार करण्यात आलेल्यायादीत चार प्रकारच्या मतदारांचा समावेश आहे. शोधूनही न सापडलेले किंवा संपर्क न झालेला मतदार, अन्यत्र स्थलांतरित झालेला मतदार, मृत मतदार आणि एकापेक्षा अधिक वेळा मतदार यादीत नोंद असलेला दुबार मतदार. महाराष्ट्राच्या मुख्य निवडणूक अधिकाऱ्यांच्या संकेतस्थळावरही ए. एस. डी. डी चा अर्थ अबसेन्ट, शिफ्टेड, डेड आणि डुप्लिकेट असा दिला आहे. हेल्पलाइन क्रमांक १९५०ची माहिती देण्यात आली आहे.
