बुधवार, 21 ऑक्टोबर 2026
या बैठकीत मंत्री शिवेंद्रसिंहराजे बोलत होते. बैठकीला सार्वजनिक बांधकाम विभागावाचे मुख्य अभियंता अतुल चव्हाण, अधीक्षक अभियंता एस. एस. भगत, अधीक्षक अभियंता (विद्युत) समिधा सुरवसे, अधीक्षकअभियंता एन. व्ही. भंडे, विद्युत मंडळाचे अधीक्षक अभियंता दयानंद म्हात्रे, अधीक्षक अभियंता विभावरी वैद्य यांच्यासह विभागातील इतर अधिकारी उपस्थित होते. बैठकीत बांधकाम विभागांतर्गत जिल्ह्यात सुरू असलेल्या व पूर्ण झालल्या विविध विकासकामांचा सविस्तर आढावा घेण्यात आला.
रुग्णालयीन इमारतींच्या गुणवत्तेकडे विशेष लक्ष
बैठकीदरम्यान अधिनस्त कार्यालये, कार्यक्षेत्र, रस्ते व पूल यांची सांख्यिकी तसेच पुलांच्या तपशीलवार माहितीचे सादरीकरण करण्यात आले. 2022 सालापासून आजपर्यंत पूर्ण झालेली कामे, नाबार्ड अंतर्गत पूर्ण झालेले प्रकल्प तसेच हायब्रीड अ‍ॅन्युइटी अंतर्गत सुरू असलेल्या रस्ते व पूल प्रकल्पांची माहिती घेण्यात आली. 2026 च्या अर्थसंकल्पात मंजूर झालेल्या कामांचा आढावा घेऊन त्यांच्या अंमलबजावणीस गती देण्याच्या सूचना शिवेंद्रसिंहराजे भोसले यांनी संबंधित अधिकाऱ्यांना दिल्या. प्रगतीपथावरील इमारतीची कामे, जिल्ह्यातील शासकीय इमारती तसेच रुग्णालयीन इमारतींच्या गुणवत्तेबाबत विशेष लक्ष देण्याचे निर्देश त्यांनी दिले. बीड येथील जिल्हा रुग्णालय व २०० खाटांच्या महिला रुग्णालयाच्या इमारतीच्या गुणवत्तेबाबतही माहिती घेण्यात आली.
नवीन प्रस्ताव सादर करण्याचेही दिले निर्देश
जिल्ह्यातील विविध रस्त्यांवरील खड्डे दुरुस्ती, प्रलंबित कामे तसेच पैठण व शिरूर परिसरातील प्रकल्पांबाबत तत्काळ कार्यवाही करण्याच्या स्पष्ट सूचना मंत्री शिवेंद्रसिंहराजे यांनी दिल्या, नवीन कामांबरोबरच जुन्या कामांची दुरुस्ती करून नवीन प्रस्ताव सादर करण्याचे निर्देशही यावेळी देण्यात आले. तसेच वृक्ष लागवड उपक्रमांतर्गत लावण्यात आलेल्या झाडांची नियमित निगा राखली जाते का याची माहिती घेऊन विश्रामगृह व शासकीय परिसरातील वृक्ष लागवडीची देखभाल सुनिश्चित करण्याचे आदेश मंत्री शिवेंद्रसिंहराजे यांनी अधिकाऱ्यांना दिले. सर्व संबंधित अधिका-यांनी आपापली कामे वेळेत, गुणवत्तापूर्ण आणि जबाबदारीने पूर्ण करावीत, अशा स्पष्ट सूचना मंत्री शिवेंद्रसिंहराजे भोसले यांनी अधिकाऱ्यांना दिल्या.
