बुधवार, 21 ऑक्टोबर 2026
कल्याण : शहाड़ स्टेशन नजीक असलेल्या बिर्ला वान्य या निर्माणधीन इमारतीच्या परिसरात ठेवलेल्या थर्माकोलला सोमवारी संध्याकाळी ६.१५ वाजता आग लागल्याची घटना घडली आहे.
आग लागल्याची माहिती मिळताच अग्निशमन दलाचे पथक घटनास्थळी पोहोचत ही आग निर्माणनिधी इमारतीसाठी आणलेल्या बांधकाम साहित्यातील थर्माकोलला लागली असल्याची महिती सूत्रांकडून प्राप्त झाली. आगाची तीव्रता कमी स्वरूपची होती, व्हेंटिलेशन डकमुळे वरच्या बाजूस धुर पसरला असल्याने धुराचे लोट उसळले. नविनच बांधकाम असल्याने रिकामी इमारत होती, त्यामुळे जीवित हानी झाली नसल्याची माहिती अग्निशमन दलाच्या पथकाकडून देण्यात आली आहे.
कल्याण डोंबिवली मनपा अग्निशमन दलाचे मुख्य अग्निशमन अधिकारी नामदेव चौधरी यांच्याशी संपर्क साधला. इमारतीच्या खाली असणाऱ्या थर्माकोलला आग लागल्याने धुराचे लोट उसळले. इमारतीच्या डकमधून धूर पास होताना धुराचे लोट उसळल्याचे दिसत होते. घटनास्थळी तातडीने पोहचत आग विझविण्यात आली असल्याचे त्यांनी सांगितले.
