लग्नानंतर संमतीने वेगळे होण्याच्या प्रमाणात होतीये वाढ; मागील वर्षभरात तब्बल ‘इतक्या’ जोडप्यांचा घटस्फोट

घटस्फोटासाठी कौटुंबिक न्यायालयात येणाऱ्या प्रत्येक जोडप्याला त्यांच्या चुका विसरून त्यांचे वर्तन सुधारून नवीन आयुष्य सुरू करण्याचे प्रोत्साहन दिले जाते. त्यासाठी समुपदेशन केले जाते. समुपदेशक घटस्फोटासाठी आल्यावर पती-पत्नीची समजूत काढण्याचा प्रयत्न करतात. हा कालावधी संपेपर्यंत पती-पत्नी वेगळे होऊ शकत नाहीत. अनेकदा लग्नानंतर काही दिवसांनी घटस्फोटाची याचिका दाखल केली जाते. अशा लोकांना ग्रेस पिरियडही दिला जातो. त्यानंतरच पुढील प्रक्रिया होते.

गेल्या वर्षी 731 जोडप्यांनी घटस्फोटासाठी कौटुंबिक न्यायालयात याचिका दाखल केल्या होत्या. त्यापैकी 376 प्रकरणे न्यायालयाने निकाली काढली. 166 जोडप्यांनी परस्पर संमतीने घटस्फोटासाठी अर्ज केला. त्यापैकी 57 जोडप्यांना मान्यता देण्यात आली आहे.

376 प्रकरणे निकाली काढली

गेल्या वर्षी 731 जोडप्यांनी घटस्फोटासाठी कौटुंबिक न्यायालयात याचिका दाखल केल्या होत्या, त्यापैकी 376 प्रकरणे न्यायालयाने निकाली काढली. 166 जोडप्यांनी परस्पर संमतीने घटस्फोटासाठी अर्ज केला. त्यापैकी 57 जोडप्यांना मान्यता देण्यात आली आहे. तर न्यायाधीश सुभाष काफरे आणि समुपदेशकांच्या प्रयत्नांमुळे 32 जोडप्यांनी पुन्हा एकत्र येण्याचा निर्णय घेतला.

प्रतिकूल जीवनशैलीचा परिणाम

आजकाल तरुणांना कमावणारी बायको हवी असते. अशा स्थितीत दोघांची क्षेत्रे एकमेकांच्या विरोधात असू शकतात. या स्थितीत त्यांच्या कामाचा जीवनशैलीवर परिणाम होतो. विपरीत जीवनशैलीमुळे दोघांमध्ये दुरावा निर्माण होऊ लागतो. यामुळे अनेकदा घटस्फोट होतो.

हेदेखील वाचा : स्वबळावर लढण्याचा नारा देत ठाकरे गट पडला आघाडीतून बाहेर; खासदार सुप्रिया सुळेंनी दिली प्रतिक्रिया