प्रतापगडाच्या पायथ्याशी आणखी तीन कबरी; साताऱ्याच्या जिल्हाधिकाऱ्यांचा दुजोरा

प्रतापगडाच्या पायथ्याला असलेल्या अफजल खानाच्या कबरीजवळ आणखी तीन कबरी आढळून आल्या आहेत. या कबरी कुणाच्या हा सध्या मोठा चर्चेचा विषय बनला आहे. तीन कबरी असल्याच्या वृत्ताला साताऱ्याचे जिल्हाधिकारी रुचेश जयवंशी यांनी दुजोरा दिला आहे. या कबरी नेमक्या कोणाच्या याबाबत सध्या माहिती घेण्याचे काम महसूल विभागाकडून केले जात आहे.

सातारा – प्रतापगडाच्या (Pratapgad) पायथ्याला असलेल्या अफजल खानाच्या कबरीजवळ (Afzal Khan Tomb) आणखी तीन कबरी आढळून आल्या आहेत. या कबरी कुणाच्या हा सध्या मोठा चर्चेचा विषय बनला आहे. तीन कबरी असल्याच्या वृत्ताला साताऱ्याचे जिल्हाधिकारी रुचेश जयवंशी (Satara Collector Ruchesh Jayvanshi) यांनी दुजोरा दिला आहे. या कबरी नेमक्या कोणाच्या याबाबत सध्या माहिती घेण्याचे काम महसूल विभागाकडून केले जात आहे. दरम्यान, इतिहास अभ्यासक द. बा. पारसनीस यांच्या १९१६ साली प्रकाशित झालेल्या पुस्तकातील फोटोमध्ये एकच कबर असल्याचा फोटो आहे.

प्रतापगडावरील अफझल खानाच्या कबरीजवळील अनधिकृत बांधकाम (Illegal Construction) प्रतापगडावरून हटवण्यात आले आहे. महसूल विभाग आणि वनविभागाकडून या पाडकामाची कारवाई करण्यात आली. शिवप्रताप दिनाचा (Shiv Pratap Din) मुहूर्त साधत ही कारवाई करण्यात आली. अफजल खानाच्या कबरीसमोरील अनधिकृत बांधकामवरून अनेकदा वाद झाले आहेत. हिंदूत्ववादी संघटना आणि शिवप्रेमींकडून हे वाद समोर आणण्याचा प्रयत्न करण्यात आला होता.

अफजल खानाच्या कबरीसमोरील अनाधिकृत बांधकाम पाडावे अशी मागणी वारंवार शिवप्रेमींकडून केली जात होती. त्याचबरोबर इतिहास चुकीच्या पद्धतीने सांगण्यात येत असल्याचा दावा करतही यावरुन अनेकदा वाद झाले. याच पार्श्वभूमीवर गेल्या अनेक दिवसांपासून हा परिसर पूर्णपणे सील करण्यात आला होता.