22 आणि 23 जूनला ‘आदिपुरूष’ चे 3D शो फक्त 150 रूपयांत…निगेटीव्ह पब्लिसिटीमुळे चित्रपटाच्या कलेक्शनमध्ये मोठी घट; ऑल इंडिया असोसिएशनची बंदीची मागणी

आदिपुरूष सिनेमावर सर्वत्र टीका होत आहे. त्यामुळे, चित्रपटाला मिळणारा रिस्पॉन्सही कमी होत आहे. प्रेक्षकही चित्रपटगृहाकडे पाठ फिरवत आहेत. त्यासाठीच चित्रपटाचे निर्माते वेगवेगळे फंडे आजमावतायत.

Adipurush – आदिपुरूष हा सिनेमा सध्या देशभरात चर्चेचा विषय बनला आहे. सर्वच स्तरातून या सिनेमाला मोठ्या प्रमाणात विरोध होत आहे. त्यात ‘आदिपुरुष’ने रिलीजच्या पाचव्या दिवशी फक्त 10.80 कोटी कमावले. त्यानंतर सिनेमाची एकूण कमाई आता 247.90 कोटींच्या जवळपास गेली आहे. तब्बल 500 कोटींच्या बजेटमध्ये तयार करण्यात आलेला ‘आदिपुरुष’ हा बिग बजेट सिनेमा आहे. रिलीजपूर्वीच या सिनेमाने जवळपास 400 कोटींची कमाई केली होती. चित्रपट प्रदर्शित झाल्यानंतर हा चित्रपट भरघोस कमाई करेल अशी आशा होती. मात्र, हा चित्रपट आता लवकरच बॉक्स ऑफिसवरुन काढता पाय घेईल असा अंदाज व्यक्त करण्यात येत असतानाच  आहे. 22 आणि 23 जूनला या चित्रपटाचं तिकीट फक्त 150 रूपये ठेवण्यात आलं आहे. याबाबतची पोस्ट अभिनेत्री क्रिती सॅनॉनने (Kriti Sanon) आपल्या सोशल मीडियावर शेअर केली आहे. (adipurush) (box office)

 

See more

[read_also content=”सहाव्या दिवशी गडगडले ‘आदिपुरुष’च्या कमाईचे आकडे, प्रेक्षकांना परत थिएटरकडे वळवण्यासाठी निर्मात्यांचा ‘हा’ नवा फंडा https://www.navarashtra.com/entertainment/adipurush-box-office-collection-reduced-on-sixth-day-nrsr-420929/”]

….तर, ऑल इंडियन सिने वर्कर्स असोसिएशननेदेखील केली ‘आदिपुरुष’वर बंदी घालण्याची मागणी

ऑल इंडियन सिने वर्कर्स असोसिएशननेदेखील ‘आदिपुरुष’ सिनेमावर बंदी घालण्याची मागणी केली आहे. त्यांनी पंतप्रधान नरेंद्र मोदी यांना पत्र लिहित या सिनेमावर बंदी घालण्यात यावी यासाठी मागणी केली होती.