Asha Bhosle
या कलेत आशा ताई होत्या तरबेज
आपल्या वैयक्तिक आयुष्यात आशा भोसले यांना स्वयंपाक करायला फार आवडतो. त्यांची स्वयंपाकाबाबतची ही आवड त्यांनी अनेकदा मुलाखतींमध्ये उघड केली आहे. लहानपणापासून जेवण बनवण्यात आणि लोकांना ते खाऊ घालण्यात त्यांना फार रस. लग्नानंतर जेव्हा गीतकार आणि निर्माते आर. डी. बर्मन त्यांच्या घरी यायचे तेव्हा त्या स्वत: शेफसोबत काहीतरी खास बनवू पाहायच्या. आशा भोसले एकदा ‘इंडियन आयडॉल १२’ मध्ये प्रमुख पाहुण्या म्हणून आल्या होत्या. तिथे त्यांनी या गोष्टीचा खुलासा केला.
एका मुलाखतीत त्यांनी सांगितलं होतं की, आशा ताईंना घरी पाहुणे आलेले फार आवडायचे कारण यामुळे त्यांना स्वयंपाकघरात अधिक वेळ घालवायला मिळायचा. आशा भोसलेंची एक जुनी मुलाखतदेखी व्हायरल झाली होती ज्यात त्यांनी आर. डी. बर्मन यांना सांगितले होते, “तुम्हाला माहीत आहे, गाणे आणि स्वयंपाक करणे या माझ्या सर्वात आवडत्या गोष्टी आहेत. मी तुमच्यासाठी जेवण बनवते पण तुम्ही माझ्यासाठी गाणं तयार करत नाही.
Asha Bhosle Playlist: आवाजाच्या बाबतीत बहिणीलाही टक्कर देणाऱ्या आशा ताईंची जादुई सफर
View this post on Instagram
दुबईत सुरु केलंय रेस्टाॅरंट
आशा भोसले यांनी आपली स्वयंपाकाची हिच आवड जपत दुबईत एक रेस्टाॅरंट ओपन केलं आहे. त्यांच्या इंस्टाग्राम प्रोफाईलमध्ये तुम्हाला त्यांचे रेस्टाॅरंटच्या किचनमधील अनेक फोटोज आणि व्हिडिओज पाहायला मिळतील. त्यांनी याविषयी एका मुलाखतीतही सांगितले की, त्या जेव्हा जेव्हा दुबईत त्यांच्या रेस्टाॅरंटला भेट देतात तेव्हा त्या स्वत: शेफ बनून कोणता ना कोणता पदार्थ तयार करतात.
